„Fund­ur­inn fagnar opinni umræðu og hvetur til óháðrar og fag­legrar úttektar á vegum Mennta – og menn­ing­ar­mála­ráð­herra og Félags – og jafn­rétt­is­mála­ráð­herra „á umfangi og birt­ing­ar­mynd­um kyn­ferð­is­legrar áreitni, ofbeldis og mis­beit­ingar á valdi í sviðs­listum og í kvik­mynda – og sjón­varps­iðn­aði á Ísland­i,“ segir í til­kynn­ing­u. 

Félögin sem standa saman að álykt­un­inni, sem sam­þykkt var á fundi í dag, eru: Félag íslenskra leik­ara, Félag leik­stjóra á Íslandi, Félag leik­skálda og hand­rits­höf­unda, Banda­lag íslenskra lista­manna, Þjóð­leik­hús­ið, Leik­fé­lag Reykja­víkur í Borg­ar­leik­húsi, Menn­ing­ar­fé­lag Akur­eyr­ar, Íslenska Óper­an, Sjálf­stæðu leik­hús­in, Sam­band íslenskra kvik­mynda­fram­leið­enda, Sam­tök kvik­mynda­leik­stjóra og RÚV.

Mikil umræða hefur farið fram að und­an­förnu um kyn­ferð­is­legt ofbeldi innan leik­ara- og afþrey­ing­ar­iðn­að­ar­ins, ekki síst í Hollywood. Konur hafa stigið fram og greint frá ofbeldi og áreitni, sem leitt hefur til afhjúp­unar á ofbeld­is­mönn­um, eins og Har­vey Wein­stein og nú síð­ast Kevin Spacey. 

Þá hafa einnig komið fram á sögur um ofbeldi og áreitni innan leik­ara­sam­fé­lags­ins á Íslandi, eins og greint hefur verið frá, og ekki síst þess vegna vilja fyrr­nefnd félög að óháð úttekt fari fram.

Þor­steinn Víglunds­son, félags- og jafn­rétt­is­mála­ráð­herra, hefur sagt að taka þurfi ábend­ingum um ofbeldi og áreitni mjög alvar­lega, og vinna mark­visst að því að upp­ræta það og bæta úr því sem þarf að bæta úr. Sú vinna hefj­ist strax.