Svan­dís Svav­ars­dótt­ir, þing­kona Vinstri grænna, hrósar Katrínu Jak­obs­dótt­ur, for­manni flokks­ins, í hástert í færslu á Face­book-­síðu sinni í dag. Hún segir að það yrði stór­kos­legt tæki­færi fyrir þjóð­ina „ef það tekst að ganga frá mál­efnum þannig að hún geti orðið for­sæt­is­ráð­herra lands­ins.“

„Það er ekki spurn­ing um stól heldur aðferð, við­horf og nýja nálg­un. Traustið hrundi fyrir efna­hags­hrunið og hefur ekki tek­ist að end­ur­reisa það. Með nýjum vinnu­brögðum og end­ur­reisn inn­við­anna þá gæti það tekist,“ skrifar Svan­dís enn­frem­ur.

Katrín var við­mæl­andi Gísla Mart­eins Bald­urs­sonar í þætt­inum Vik­unni á RÚV í gær­kvöldi og í Viku­lok­unum á Rás 1 í morg­un. Katrín ræddi þar stöð­una í stjórn­ar­mynd­un­ar­við­ræðum Vinstri grænna, Sjálf­stæð­is­flokks­ins og Fram­sókn­ar­flokks­ins. Í dag er hlé á við­ræð­un­um.

„Það þarf að gefa henni og VG tæki­færi til að mynda rík­is­stjórn - mál­efnaum­ræðan er ekki komin á enda og það er ekk­ert búið fyrr en allt er búið,“ skrifar Svan­dís sem biðl­aði á dög­unum til sam­flokks­manna sinna að yfir­gefa ekki flokk­inn vegna stjór­ar­mynd­un­ar­við­ræðn­anna fyrr en mál­efna­samn­ingur lægi fyrir og hægt væri að taka efn­is­lega afstöðu til máls­ins.

„En þjóðin sér Katrínu í for­ystu­hlut­verki. Hún hefur bent á að hags­munir þjóð­ar­innar skipti öllu - þröngir flokks­hags­munir mega ekki ráða för. Við kusum hana aftur til for­mennsku í VG fyrir nokkrum vikum og til að hún nái að skila verk­efnum af sér þurfum við að veita henni stuðn­ing. Þannig stöndum við reyndar ekki aðeins með henni heldur líka með sjálfum okkar sem kusum hana í verk­in.“