Ang­ela Merkel, kansl­ari Þýska­lands og leið­togi Kristi­legra  demókrata, vill frekar að kosið verði að nýju en að minni­hluta­stjórn verði mynduð í Þýska­land. 

Frjáls­lyndi flokk­ur­inn sleit stjórn­ar­við­ræð­unum í um helg­ina, og bar því við að algjör trún­að­ar­brestur hefði verið á milli Græn­ingja og kristi­legra demókrata. Ekki hefði verið hægt að fara lengra með við­ræð­urn­ar. 

Sam­tals voru flokk­arnir þrír með 393 þing­menn af 709 á þýska þing­inu og því nokkuð sterkan meiri­hluta. Frank-Walter Stein­meier, for­seti Þýsklands, reynir nú að miðla málum og hefur biðlað til stjórn­mála­leið­toga um að sýna sveigj­an­leika í við­ræð­unum til að koma á stöð­ugu stjórn­ar­fari og rík­is­stjórn sem fer­st, að því er fram kemur í umfjöllun BBC.

Flokkur Merkel fékk 33 pró­sent atkvæða í síð­ustu kosn­ing­um, sem þótti varn­ar­sigur í ljósi mik­ils upp­gang þjóð­ern­is­sinna í land­in­u. 

Flokk­­ur­inn AFD, sem boð­aði aðgerðir gegn straumi flótta­­fólks til lands­ins og vilda fækka útlend­ingum í Þýska­landi, fékk um 13 pró­­sent fylgi í kosn­­ing­unum 94 þing­­menn. 

Merkel stendur nú frammi fyrir sinni stærstu hindr­un, á tólf ára valda­tíma sem kansl­ari.