Breski iðn­hönn­uð­ur­inn Jon­athan Ive er kom­inn aftur inn í stjórn­enda­teymi Apple og mun stýra hönnun og not­enda­upp­lifun fyr­ir­tæk­is­ins. 

Í umfjöllun Wall Street Journal kemur fram að miklar vonir séu bundnar við að Ive tak­ist að efla nýsköp­un­ina hjá App­le, en fyr­ir­tækið hefur verið gagn­rýnt tölu­vert á und­an­förnum árum fyrir að hafa ekki verið nægi­lega fram­sækið þegar kemur að nýsköp­un. 

Ive hóf fyrst störf hjá Apple árið 1992 og hefur æ síðan komið að hönnun á ýmsum þekkt­ustu vörum Apple. Hann vann náið með Steve Jobs heitn­um, þegar hann var við stjórn­völ­inn hjá fyr­ir­tæk­inu, en fyrsta varan sem hann hann­aði að fullu sjálfur var iMac tölv­an.

Ive hefur á und­an­förnum árum unnið að hönnun á höf­uð­stöðvum Apple en þær verða teknar að fullu í notkun á næsta ári. 

Verk­efnið er risa­vax­ið, en heild­ar­kostn­aður er met­inn rúm­lega fimm millj­arðar Banda­ríkja­dala, eða sem nemur 530 millj­örðum króna.

Ive þykir með áhrifa­mestu hönn­uðum sam­tím­ans og var hann meðal ann­ars aðlaður af Elísa­betu Bret­lands­drottn­ingu árið 2012, fyrir áhrif sín á sviði hönn­un­ar, og getur því kallað sig Sir. Jon­athan Ive. Hann er mennt­aður í iðn­hönn­un, en hefur sjálfur sagt að hans mesti áhrifa­valdur í hönnun sé faðir hans, Mich­ael Ive, en hann starf­aði sem silf­ur­smið­ur.

Óhætt er að segja fjár­hagur Apple sé traust­ur. Þetta verð­mætasta félag heims er nú metið á 870 millj­arða Banda­ríkja­dala, eða sem nemur um 90 þús­und millj­arða króna. 

Fyr­ir­tækið er með fulla vasa fjár, eftir ótrú­legt gengi á und­an­förnum ára­tug. Sam­tals á fyr­ir­tækið 270 millj­arða Banda­ríkja­dala, eða sem nemur um 30 þús­und millj­arða króna, í lausu fé frá rekstri.