Sendi­herra Banda­ríkj­anna hjá Sam­ein­uðu þjóð­un­um, Nikki Haley, segir að allar konur sem saki karla um kyn­ferð­is­lega áreitni eða ósæmi­lega hegðun í sinn garð, eigi skilið að fá áheyrn og rétt­láta máls­með­ferð. 

Hún seg­ist stolt af #Metoo bylt­ing­unni og þeim sögum sem konur um allan heim hafa komið fram með á und­an­förnum vikum og mán­uð­um, þar sem ýmsum birt­ing­ar­myndum ofbeldis og ósæmi­legrar hegð­unar gagn­vart konum er lýst og þeim hafn­að. 

Þetta kom fram í við­tali við Haley við CBS sjón­varps­stöð­ina, en þegar talið barst að Banda­ríkja­for­seta, Don­ald Trump, og þeim fjöl­mörgu konum sem hafa ásakað hann um kyn­ferð­is­lega áreitni og ósæmi­lega hegð­un, í gegnum tíð­ina, sagði hún að það ætti að sjálf­sögðu líka við um þær eins og aðr­ar; þær ættu það skilið að á þær yrði hlustað og unnið úr málum þeirra með réttum hætt­i. 

#Metoo bylt­ingin hefur nú þegar haft gíf­ur­leg áhrif um allan heim. Kon­ur, úr öllum stéttum og stigum sam­fé­laga, hafa stigið fram og sýnt sam­stöðu, þar sem ósæmi­legri hegðun - kyn­ferð­is­legri og karl­rembu­legri - er hafnað og úrbóta kraf­ist. 

Á Íslandi hafa konur sagt sögur sínar úr mörgum geirum sam­fé­lags­ins, og sýnt sam­stöðu með þeim sem hafa orðið fyrir órétti og ofbeldi af hálfu karla. Katrín Jak­obs­dóttir for­sæt­is­ráð­herra var ein þeirra sem las upp sögu á sam­stöðu­fundi í Borg­ar­leik­hús­inu í gær.