Stormur HF 294, nýtt línu- og neta­skip útgerð­ar­innar Stormur Seafood, sigldi til Reykja­vík­ur­hafnar í gær,  en þetta er fyrsta fiski­skipið á Íslandi sem er raf­drif­ið. Þetta er jafn­framt fyrsti nýsmíðin í línu­skipa­flot­anum í sextán ár, af því er segir í til­kynn­ingu.

Skipið kemur hingað frá Gdansk í Pól­landi og tók um tvö ár í smíð­i. 

Stormur er 45 metra lang­ur, um þús­und brúttó­lestir og tekur allt að 400 tonn af frystri afurð í lest. Að auki er skipið fyrsta raf­knúna fiski­skipið á Íslandi og mun slíkur raf­bún­aður lág­marka umhverf­is­á­hrif og auka hag­kvæmni við veið­ar.

Eig­andi Storms Seafood, Stein­dór Sig­ur­geirs­son, segir í til­kynn­ingu að mik­il­vægt sé að fleiri líti til kaupa á raf­drifnum skip­um.„Elds­neyt­is­notkun á sam­bæri­legum skipum er afar mikil og þarf geir­inn í heild að huga betur að lofts­lags­mál­u­m,“ segir Stein­dór. „Hag­kvæmni við veiðar eykst einnig við komu skips­ins en það er búið nýj­ustu gerð línu­beit­ing­ar­vélar sem tekur mun meira en sam­bæri­leg skip hér á landi. Það má því segja að koma skips­ins marki tíma­mót í íslenskum sjáv­ar­út­veg­i.“