Launa­greiðslur voru á síð­asta ári hærri að raun­virði en árið 2007. Þetta er í fyrsta skipti sem það ger­ist, frá því tíma­móta­ári, þegar efna­hags­bólan fyrir hrun fjár­mála­kerf­is­ins náði hámarki.

Í grein Páls Kol­beins rekstr­ar­hag­fræð­ings hjá Rík­is­stjóra, í frétta­bréf­inu Tíund, kemur fram að fyr­ir­tæki og stofn­anir hafi greitt 1.231 millj­arða króna í laun í fyrra, en það er um 64,5 millj­örðum meira en árið 2007, sé raun­virði launa­greiðslna borið sam­an.

Í umfjöllun um skrif Páls í Tíund, í Frétta­blað­inu í dag, kemur fram að raun­virði launa hafi rýrnað mikið eftir hrun fjár­mála­kerf­is­ins en allt frá árinu 2010 hafa launa­greiðslur farið hækk­andi. Frá þeim tíma hefur end­ur­reisn íslensks efna­hags­lífs­ins verið afar kröftug og hag­vaxt­ar­skeiðið ekki síst borið uppi af miklum vexti ferða­þjón­ust­unn­ar. Að raun­virði hafa launa­greiðslur hækkað um 36 pró­sent á síð­ustu sex árum.

Á þessu ári er gert ráð fyrir að ferða­þjón­ustan skili þjóð­ar­bú­inu um 535 millj­örðum króna, eða um 40 pró­sent af öllum gjald­eyr­is­tekjum þjóð­ar­búss­ins. Sá mikli vöxtur sem hefur verið innan hennar á und­an­förnum árum hefur ýtt undir auknar launa­greiðsl­ur, eins og gefur að skilja.

Ríki og sveit­ar­fé­lög greiddu hæstu fjár­hæð­ina í laun eða ríf­lega 301 millj­arð ­sem er um 24,5 pró­sent launa í land­inu.