Eft­ir­lit jafn­launa­vott­unnar verður í höndum Sam­taka aðila vinnu­mark­að­ar­ins. Ef fyr­ir­tæki tryggir kynj­unum ekki sömu laun fyrir sömu vinnu, eða að mál­efna­legar ástæður liggi ekki fyrir um launa­mun­in,  innan tímara­mmans til­kynna sam­tökin fyr­ir­tækið til Jafn­rétt­is­stofu. Hún hefur heim­ild til að krefja fyr­ir­tækið um allt að 50.000 krónur í dag­sekt­ir, verði fyr­ir­tækið ekki að úrbót­u­m. 

Vott­un­ar­að­ili sem vottar jafn­launa­kerfi þarf að vera faggiltur og geta fram­vísað fag­gild­ing­ar­skír­teini þess til stað­fest­ing­ar. Tveir aðilar hafa nú heim­ild til að taka út jafn­launa­kerfi og veita jafn­launa­vottun en vonir standa til að þeim fjölgi á næst­unni. Nám­skeið verða haldin á vegum vel­ferð­ar­ráðu­neyt­is­ins um vottun jafn­launa­kerfa, þá sér­stak­lega fyrir þá sem vilja öðl­ast heim­ild til að votta jafn­launa­kerfi sam­kvæmt jafn­launa­staðl­in­um. 

Lög um jafn­launa­vottun tóku gildi um ára­mótin og er stefnt að því að öll fyr­ir­tæki og stofn­anir með 250 starfs­mönnum eða fleiri, verða komin með jafn­launa­vottun í lok þessa árs. Minni fyr­ir­tæki fá frest til árs­ins 2021. Mark­miðið með vott­un­inni er að stuðla að því að karlar og konur fái sömu laun fyrir sama starf. Ábyrgðin er fyr­ir­tæk­is­ins og er það hlut­verk þess að fara yfir verk­lags­reglur í launa­málum sín­um.  

Til þess að stand­ast kröfu um jafn­launa­vottun þarf fyr­ir­tæki að geta sýnt fram á það að karlar og konur fái sömu laun fyrir sam­bæri­lega stöðu. Jafn­launa­vott­unin gildir í mest þrjú ár í senn og er úttekt tekin aftur á fyr­ir­tæk­inu eftir þann tíma. Stand­ist fyr­ir­tæki ekki enn þá kröf­urnar er þeim óheim­ilt að nota jafn­launa­vott­un­ar­merkið áfram.