Smá­sölu- og tækniris­inn Amazon er sagður vera lík­legur til að kaupa versl­un­ar­fyr­ir­tækið Tar­get, sem rekur um 1.800 versl­anir um öll Banda­rík­in.

Target er metið á 36 millj­arða Banda­ríkja­dala, eða sem nemur um 3.800 millj­örðum króna. Stutt er síðan Amazon keypti Whole Foods fyrir 13,7 millj­arða Banda­ríkja­dala, eða sem nemur um 1.400 millj­örðum króna. Það fyr­ir­tæki er með 470 versl­anir í rekstri, í Banda­ríkj­unum og Evr­ópu.

Vöxtur Amazon hefur verið gríð­ar­lega mik­ill en mark­aðsvirði fyr­ir­tæk­is­ins er nú 580 millj­arðar Banda­ríkja­dala, eða tæp­lega 60 þús­und millj­arðar króna.

Jóla­ver­tíðin hjá fyr­ir­tæk­inu sló öll fyrri met, en net­verslun fær­ist sífellt í aukana, en á því sviði er Amazon leið­andi.

Kaup félags­ins á Whole Foods hafa styrkt fyr­ir­tækið í sessi að mati grein­enda, en með kaup­unum steig fyr­ir­tækið fyrsta stóra skrefið inn á hefð­bund­inn versl­un­ar­mark­að. Frá upp­hafi hefur fyr­ir­tækið ein­blínt á verslun á net­inu og með upp­bygg­ingu vild­ar­kjara­kerfis hefur fyr­ir­tækið séð tæki­færi í því að byggja upp enn meiri þjón­ustu við áskrif­endur sína.

Amazon hefur ekki gefið út nákvæm­lega hversu margir eru nú orðnir áskrif­endur af (Prime Mem­bers) af vild­ar­kjara­kerfi fyr­ir­tæk­is­ins en grein­endur hafa talið að fyr­ir­tækið sé með hátt í 100 millj­ónir áskrif­enda nú þeg­ar, og þeim fjölgar stöðugt.

Whole Foods og Target eiga það sam­eig­in­legt að hafa gert mikið upp úr vild­ar­kjara­kerfum og not­enda­upp­lýs­ingum til að dýpka sam­bandið við við­skipta­vini.

Gene Munster, áhrifa­mik­ill fjár­festir og stofn­andi Loup Ventures, spáir því að Amazon kaupi Target á árinu og setji enn meiri kraft í þróun tækn­innar sem býr að baki Amazon Go versl­un­un­um, þar sem við­skipta­vinir versla án aðkomu starfs­fólks eða búð­ar­kassa. 

Slík verslun hefur þegar verið sett upp í Seattle en upp­setn­ingu versl­ana á öðrum stöðum hefur verið frestað, vegna þess að tækni­þró­un­inni er ekki lok­ið.

Target hefur einnig verið að þróa hjá sér net­versl­un­ar­mögu­leik­ana og keypti á dög­unum sprota­fyr­ir­tækið Shipt fyrir 550 millj­ónir Banda­ríkja­dala, um 60 millj­arða króna, en með kaup­unum hyggst félagið byggja upp áreið­an­legra heim­send­ing­ar­kerfi fyrir net­versl­un, meðal ann­ars með ferskvör­ur.