Formaður dómnefndar gerir athugasemd við aðfinnslu ráðherra

Formaður dómnefndar sem mat hæfi umsækjenda um héraðsdómaraembætti segir að nefndin hafi ekki verið fullskipuð fyrr en 13. október. Því hafi sex vikna frestur hennar runnið út síðar en ráðherra haldi fram. Þá hafi fjöldi umsækjenda verið meiri en áður.

Auglýsing
Jakob R. Möller, fomaður dómnefndarinnar.
Jakob R. Möller, fomaður dómnefndarinnar.

Jakob R. Möll­er, for­maður dóm­nefndar sem fjall­aði um hæfi umsækj­enda um hér­aðs­dóm­ara­emb­ætti, segir að frestur nefnd­ar­innar til að skila umsögn sinni hafi ekki byrjað fyrr en 13. októ­ber 2017, þegar nefndin var full­skip­uð. Því hafi sex vikna frestur hennar til að skila umsögn ekki verið lið­inn fyrr en 24. nóv­em­ber 2017. Auk þess sé gert ráð fyrir því í reglum um starf­semi dóm­nefnd­ar­innar að frestur hennar til að skila umsögn geti orðið lengri ef sér­stakar aðstæður valda því, svo sem mik­ill fjöldi umsækj­enda. Í þessu til­felli hafi umsækj­endur verið 41, eða veru­lega mun fleiri en áður þegar emb­ætti dóm­ara hafa verið aug­lýst til umsókn­ar.

­Guð­laugur Þór Þórð­ar­son, settur dóms­mála­ráð­herra, skip­aði í dag þá átta sem dóm­nefndin hafði talið hæf­asta í emb­ætti hér­aðs­dóm­ara í átta dóm­ara­emb­ætti.

Að lok­inni skipun sendi hann bréf til Sig­ríðar Á. And­er­sen dóms­mála­ráð­herra þar sem hann kom á fram­færi athuga­­semdum um verk­lag og reglur um veit­ingu dóm­­ara­emb­ætta. Í bréf­inu segir meðal ann­ars: „Aug­lýs­ing fyrir umræddar stöður var birt 1. sept­em­ber 2017 og rann umsókn­ar­frestur út 18. sama mán­að­ar. Sam­kvæmt 9. gr. reglna nr. 620/2010 átti dóm­nefndin að skila um sögn um umsækj­endur innan sex vikna frá þeim tíma, eða 30. októ­ber  sama ár. Nefndin skil­aði hins vegar ekki umsögn sinni fyrr en 22. des­em­ber 2017,  eða rúmum þremur mán­uðum eftir að umsókn­ar­frestur rann út.“

Auglýsing
Jakob gerir athuga­semd við þessa aðfinnslu og bendir á að í umræddri 9. grein þeirra reglna sem vísað sé til sé til­tekið að dóm­nefndin skuli skila umsögn umsækj­endur innan sex vikna frá því að umsókn­irnar bár­ust henni. Auk þess standi þar að sá frestur geti „ orðið lengri ef sér­stakar ástæður valda því svo sem mik­ill fjöldi umsækj­enda o.þ.h.“

Að sögn Jak­obs var dóm­nefndin ekki full­skipuð fyrr en 13. októ­ber og því voru sex vikur ekki liðnar frá því að henni bár­ust umsókn­irnar fyrr en 24. nóv­em­ber. „Um­sækj­endur voru nú 41, eða til veru­legra muna fleiri en fyrr og skýrir það að mestu töf á afgreiðslu umsagn­ar. Fleira kom þó til, sem settur dóms­mála­ráð­herra getur ekki um, sjálf­sagt af skilj­an­legum ástæð­u­m,“ segir Jak­ob.



Stakksberg telur íbúakosningu um stóriðju í Helguvík ólögmæta og geta leitt til bótaskyldu
Stakksberg, félag í eigu Arion banka, hefur sent Reykjanesbæ bréf þar sem félagið segir sveitarfélagið skaðabótaskylt ef komið verður í veg fyrir starfsemi kísilmálmverksmiðjunar sem áður var í eigu United Silicon.
Kjarninn 14. desember 2018
Miðflokkurinn hrynur í fylgi og Framsókn eykur við sig
Töluverðar sviptingar eru á fylgi stjórnmálaflokka samkvæmt nýrri könnun MMR.
Kjarninn 14. desember 2018
Vilhjálmur Árnason, stjórnarformaður Siðfræðistofnunar.
Siðfræðistofnun verður stjórnvöldum til ráðgjafar í siðfræðilegum efnum
Siðfræðistofnun verður stjórnvöldum til ráðgjafar í siðfræðilegum efnum tímabilið 1. janúar 2019 til 31. desember 2021. Greiðslur úr ríkissjóði fyrir verkið munu nema 10 milljónum króna árlega.
Kjarninn 14. desember 2018
Græðgi og spilling kemur enn upp í huga almennings - Bankasala framundan
Kannanir sem gerðar voru fyrir starfshóp stjórnvalda sem skilaði af sér Hvítbók um framtíðarsýn fyrir fjármálakerfið benda til þess að hrun fjármálakerfisins sé enn ferskt í minni almennings.
Kjarninn 14. desember 2018
Sératkvæði fyrrverandi stjórnarformanns VÍS ekki birt í skýrslu tilnefningarnefndar
Helga Hlín Hákonardóttir, fyrrverandi stjórnarformaður VÍS, sagði sig úr tilnefningarnefnd félagsins fyrr í vikunni. Ástæðan er sú að hún vildi birta sératkvæði um hvernig næsta stjórn ætti að vera skipuð. Það var ekki birt í skýrslu nefndarinnar.
Kjarninn 14. desember 2018
Skúli: Gerði mikil mistök en nú förum við til baka í „gömlu sýnina“
Skúli Mogensen, forstjóri og eigandi WOW air, sagði í viðtali við Kastljós að hann hafi fulla trú á því að það muni takast að ná samningum við Indigo Partners.
Kjarninn 13. desember 2018
45 prósent álagning íslenskra banka - Það er ríkisins að hagræða
Framkvæmdastjóri Samtaka iðnaðarins segir í grein í Fréttablaðinu, að íslenska ríkið þurfi að beita sér fyrir hagræðingu og skilvirkni í bankakerfinu.
Kjarninn 13. desember 2018
Til sjávar og sveita ýtt úr vör
Viðskiptahraðallinn er ætlaður til að efla frumkvöðlastarfi í sjávarútvegi og landbúnaði.
Kjarninn 13. desember 2018
Meira úr sama flokkiInnlent