Hluta­bréfa­verð hefur hrunið á alþjóða­mörk­uðum í dag, en mest hefur lækk­unin þó verið í Banda­ríkj­un­um. Á tveimur við­skipta­dögum hefur verð lækkað sam­an­lagt um 6 pró­sent í Banda­ríkj­un­um, sem telst mikið miðað við venju­bundnar sveiflur á mörk­uð­um. , 

S&P 500 vísi­talan lækk­aði um 4,1 pró­sent í dag og lækk­anir á flestum mörk­uðum heims­ins voru á bil­inu 1 til 3 pró­sent. Lækk­unin var þó skörpust í Banda­ríkj­un­um, en í umfjöllun Wall Street Journal segir að meg­in­á­stæðan fyrir þessum glund­roða á mörk­uðum und­an­farna þrjá við­skipta­daga sé sú að fjár­festar ótt­ist hækk­andi verð­bólgu og vaxta­stig í Banda­ríkj­un­um, eftir lágt tíma­bil þar sem fjár­magn hefur flætt um mark­aði á litlum sem engum mörk­uð­um.

Þar und­ir­liggj­andi hefur áætlun Seðla­banka Banda­ríkj­anna, sem rekja má aftur til þess þegar fjár­mála­mark­aðir fóru í gegnum mik­inn hreins­un­ar­eld á árunum 2007 til 2009, haft mikil áhrif, en bank­inn hefur beint og óbeint sett mikið fjár­magn út á mark­aði til að örva hag­vöxt og styðja við end­ur­reisn efna­hags Banda­ríkj­anna á und­an­förnum árum.

Atvinnu­leysi í Banda­ríkj­unum er nú með minnsta móti, en það mælist 4,7 pró­sent á lands­vísu.

Í umfjöllun Wall Street Journal kemur fram, að grein­endur hafi verið að senda fjár­festum upp­lýs­ingar um að þeir ættu að „róa sig“ í sölum á hluta­bréf­um. Engin ástæða væri til þess að vera of nei­kvæður á stöðu mála.

Verð á hrá­olíu hefur einnig lækkað tölu­vert í dag, en verðið á tunn­unni á Banda­ríkja­mark­aði er nú 63 Banda­ríkja­dalir og lækk­aði það um tæp­lega 3 pró­sent í dag.