Ásmundur sá sem keyrði fyrir 385 þúsund krónur á mánuði

Ásmundur Friðriksson, þingmaður Sjálfstæðisflokks, er sá þingmaður sem fékk 4,6 milljónir króna í endurgreiðslur vegna aksturs í fyrra. Hann segist fara 100 prósent eftir öllum reglum.

7DM_5577_raw_170912.jpg Alþingi 12. september 2017. Ásmundur Friðriksson
Auglýsing

Ásmundur Frið­riks­son, þing­maður Sjálf­stæð­is­flokks­ins, er sá þing­maður sem fékk 4,6 millj­ónir króna end­ur­greiddar vegna akst­­ur­s­­kostn­aðar í fyrra. Það þýðir að hann fékk um 385 þús­und krónur á mán­uði í end­­ur­greiðslu úr rík­­is­­sjóði vegna keyrslu sinn­­ar. Alls keyrði Ásmundur 47.644 kíló­metra í fyrra, og fékk end­ur­greitt frá rík­inu vegna kostn­aðar fyrir þann akst­ur. 

Til sam­an­­burðar má nefna að Hring­­veg­­ur­inn, Þjóð­­vegur 1, er 1.322 kíló­­metr­­ar. Ásmundur keyrði því tæp­­lega 36 sinnum hring­inn í kringum landið á síð­­asta ári.

Ásmundur sagði í Morg­un­út­varpi Rásar 2í morgun að hann keyrði 20 til 25 þús­und kíló­metra á ári til að fara í vinnu. Hann sinni auk þess kjör­dæmi sínu, sem sé 700 kíló­metra langt, afar vel. „Það líða ekki margar helgar sem ég hef frí frá því að sinna erindum í kjör­dæm­in­u, fara út á meðal fólks, mæta á alls­konar upp­á­komur og svo eru sumrin upp­tekin af alls­konar bæj­ar­há­tíð­u­m.“

Auglýsing
Ásmundur seg­ist fara eitt hund­rað pró­sent eftir öllum reglum og að hann hafi aldrei fengið athuga­semd frá þing­inu. Hann haldi nákvæma dag­bók þar sem finna megi yfir­lit yfir það sem hann hefur gert í hverri ferð fyrir sig og hvern hann hafi hitt. Tíðar kosn­ingar á und­an­förnum árum hafi auk þess kallað á aukin ferða­lög. „Regl­urnar eru bara þannig að þau erindi sem ég á við kjós­endur sem þing­maður það er greitt.“ 

Keyrði þriðj­ungi meira en næsti maður

Sá þing­­maður sem keyrði næst mest keyrði 35.065 kíló­­metra og fékk tæp­­lega 3,5 millj­­ónir króna í end­­ur­greiðslur frá rík­­inu vegna þess. Keyrsla þing­­manns­ins í öðru sæti var 33 pró­­sent minni en keyrsla Ásmund­ar. Alls fengu þeir þing­­menn sem kröfð­ust hæstu end­­ur­greiðsl­unnar vegna akst­­urs 29,2 millj­­ónir króna í end­­ur­greiðslur í fyrra.

End­­ur­greiðsl­­urnar hafa dreg­ist mikið saman á und­an­­förnum árum eftir að þing­­menn voru sér­­stak­­lega hvattir til þess að not­­ast frekar við bíla­­leig­u­bíla en að nota eigin bíla við akstur um kjör­­dæmið og krefj­­ast síðan end­­ur­greiðslu. Árið 2013 nam end­­ur­greiðsla til þing­­manna vegna akst­­ur­s­­kostn­aðar 59,8 millj­­ónum króna og keyrðir kíló­­metrar sem kraf­ist var end­­ur­greiðslu fyrir voru alls 529,6 þús­und, eða tæp­­lega helm­ingi fleiri en þeir voru í fyrra.

Á árinu 2016 fóru tvær af hverjum þremur krónum sem voru end­­­ur­greiddar vegna akst­­­ur­s­­­kostn­aðar til þing­­­manna Suð­­­ur­­­kjör­­­dæm­­­is. Þrátt fyrir margar fyr­ir­­­spurn­ir, frá þing­­­mönnum og fjöl­mið­l­um, þá hefur Alþingi ætíð neitað að greina frá því hvað hver þing­­­maður hefur fengið í akst­­­ur­s­greiðsl­­­ur.

Allskyns við­­bót­­ar­greiðslur

Þing­far­­ar­­kaup alþing­is­­manna er 1.101.194 krónur á mán­uði. Til við­­bótar fá vara­­for­­setar Alþingis 15 pró­­sent álag á þing­far­­ar­­kaup, for­­menn fasta­­nefnda fá sama álag ofan á sín laun, vara­­for­­menn nefnd­anna fá tíu pró­­sent og aðrir vara­­for­­menn fimm pró­­sent. Þeir þing­­menn sem eru for­­menn stjórn­­­ar­­flokka,en eru ekki ráð­herr­­ar, fá greitt 50 pró­­sent álag á þing­far­­ar­­kaup.

Auglýsing
Auk þess fá þing­­menn lands­­byggð­­ar­­kjör­­dæma greitt 134.041 krónur í hús­næð­is- og dval­­ar­­kostnað ef þeir halda ekki annað heim­ili í höf­uð­­borg­inni. Þá fá þeir ein­ungis 53.616 krónur í við­­bót. Allir þing­­menn fá greiddar 30 þús­und krónur á mán­uði í fastan ferða­­kostnað og 40 þús­und krónur í svo­­kall­aðan starfs­­kostn­að. Því eru laun þing­­manna hærri, og í mörgum til­­­fellum mun hærri, en þing­fara­­kaup segir til um.

Skrá sjálfir akst­­ur­inn

Akstur ein­stakra þing­­manna innan lands fer svo eftir mjög skýrum regl­­um. Litið er svo á að akst­­ur­inn teng­ist starfi alþing­is­­manna fyrir umbjóð­end­­ur, varði sam­­band þeirra við kjós­­endur og sé því þeirra mál eins og ýmis­­­legur annar kostn­aður við starf þing­­manna.

Þing­­menn­irnir sjálfir skrá hversu mikið þeir keyra vegna starfa sinna og fá svo kostn­að­inn vegna akst­­ur­s­ins end­­ur­greidd­­an. Sá sem keyrði mest í fyrra fékk, líkt og áður sagði, um 385 þús­und krónur end­­ur­greiddar á mán­uði vegna akst­­urs í starfi.

Sá sem keyrði næst mest fékk um 288 þús­und krónur í end­­ur­greiðslur á mán­uði að með­­al­tali og sá sem situr í þriðja sæti um 257 þús­und krónur á mán­uði.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Hópuppsögn hjá Icelandair Group
Icelandair Group, sem sótti sér 23 milljarða króna í nýtt hlutafé fyrr í mánuðinum, hefur sagt upp 88 manns.
Kjarninn 29. september 2020
Búast má við mikilli innspýtingu í opinberum fjárfestingum, samkvæmt Íslandsbanka
Mikill samdráttur í ár en hraður viðsnúningur
Ný þjóðhagsspá Íslandsbanka gerir ráð fyrir töluvert meiri samdrætti en Seðlabankinn gerir ráð fyrir í ár. Hins vegar er búist við „skarpri viðspyrnu“ á næsta og þarnæsta ári.
Kjarninn 29. september 2020
PAR á nú innan við tvö prósent í Icelandair
Bandarískur fjárfestingasjóður sem keypti stóran hlut í Icelandair í vor og varð að stærsta einkafjárfesti félagsins er ekki lengur með stærstu eigendum þess.
Kjarninn 29. september 2020
Bjarni Már Magnússon
Basic að birta
Kjarninn 29. september 2020
Halldór Benjamín Þorbergsson er framkvæmdastjóri Samtaka atvinnulífsins.
Samtök atvinnulífsins segja ekki upp kjarasamningum
Eftir að stjórnvöld kynntu 25 milljarða króna aðgerðarpakka í morgun ákvað framkvæmdastjórn Samtaka atvinnulífsins að atkvæðagreiðsla um Lífskjarasamninginn myndi ekki fara fram. Kjarasamningar gilda því áfram.
Kjarninn 29. september 2020
Vísindamennirnir telja að enn eigi töluverður fjöldi eftir að greinast með COVID-19 í þessari bylgju faraldursins.
Um 300 til 1.100 gætu smitast á næstu þremur vikum
Í þriðju bylgju faraldurs COVID-19, sem hófst 11. september, hafa 506 greinst með sjúkdóminn. Vísindamenn við Háskóla Íslands spá því að næstu daga haldi áfram að greinast 20-40 ný smit á dag.
Kjarninn 29. september 2020
Rúmlega þrjátíu Íslendingar hafa greinst með veiruna í landamæraskimun
Af þeim 119 sem greindust með COVID-19 í landamæraskimun frá 15. júní til 18. september voru 32 með íslenskt ríkisfang, 23 frá Póllandi og 13 frá Rúmeníu og færri frá 23 ríkjum til viðbótar.
Kjarninn 29. september 2020
Drífa Snædal er forseti ASÍ.
ASÍ mótmælir lækkun á tryggingagjaldi – Efling segir opinberu fé ausið til efnafólks
ASÍ mótmælir fyrirhugaðri lækkun á tryggingagjaldi og segir að það sé „nánast eini skatturinn sem fyrirtæki greiða“. Sambandið vill að ríkisstjórnin gefi vilyrði um hækkun atvinnuleysisbóta samhliða því að nýjum aðgerðarpakka verði hrint í framkvæmd.
Kjarninn 29. september 2020
Meira úr sama flokkiInnlent