Sól­veig Anna Jóns­dóttir er nýr for­maður Efl­ing­ar. Þetta var kunn­gjört fyrir skömmu, en B-listi hennar hafði betur gegn A-lista í stjórn­ar­kosn­ingum í Efl­ingu, einu stærsta stétt­ar­fé­lagi lands­ins með tæp­lega 30 þús­und félags­menn.

Kosið var í dag og í gær.

Fyrir A-lista var Ingvar Vigur Hall­dórs­son for­manns­efni, en fyrir B-lista Sól­veig Anna, eins og áður seg­ir. Hún naut meðal ann­ars stuðn­ings Ragn­ars Þórs Ing­ólfs­soanr, for­manns VR, í emb­ætt­ið.

Sól­veig Anna sigr­aði með miklum yfir­burðum í kjör­in­u. A-list­inn fékk 519 atkvæði en B-listi Sól­veigar Önnu 2099 atkvæði. Nið­ur­staðan var kynnt skömmu fyrir hálf eitt. 

Sól­veig Anna hefur talað fyrir því að verka­lýðs­hreyf­ingin taki rót­tækum breyt­ing­um, og að fólkið á gólf­inu, sem lægstu launin hafi, fái meira vægi í bar­áttu henn­ar, auk þess sem breytt verði um stefnu þegar komið að líf­eyr­is- og hús­næð­is­mál­um.

Sól­veig Anna mun taka við af Sig­urði Bessa­syni, frá­far­andi for­manni, á aðal­fundi félags­ins þann 26. apríl nk. 

Þeir sem voru með Sól­veigu Önnu á lista og taka sæti í stjórn Efl­ingar eru Magda­lena Kwi­at­kowska hjá Café Paris, Aðal­geir Björns­son, tækja­stjóri hjá Eim­skip, Anna Marta Marj­ankowska hjá Nátt­úru þrif, Dan­íel Örn Arn­ars­son hjá Kerfi fyr­ir­tækja­þjón­ustu, Guð­mundur Jón­atan Bald­urs­son, bíl­stjóri hjá Snæ­land Gríms­son, Jamie Mcquilkin hjá Reso­urce International ehf. og Kol­brún Valv­es­dótt­ir, starfs­maður búsetu­þjón­ustu Reykja­vík­ur­borg­ar.

Á kjör­skrá voru 16.578 félags­menn og af þeim greiddu 2.618 atkvæði.

Auðir seðlar voru 6 og ógildir voru 4.