Gylfi Arn­björns­son, for­seti ASÍ, segir það oft gleymast, í umfjöll­unum um stétt­ar­fé­lög og vinnu þeirra, hversu mik­il­væg rétt­indi þau semja um fyrir hönd sinna félags­manna.

Í færslu á Face­book síðu sinni, segir að hann að svo­nefnd gul stétt­ar­fé­lög, láti alvöru stétt­ar­fé­lögum það eftir að semja um ýmis mik­il­væg rétt­indi, svo sem líf­eyr­is­rétt­indi, veik­inda- og slysa­trygg­ing­ar, rétt­indi í fæð­ing­ar­or­lofi, end­ur­hæf­ing­ar­þjón­ustu og svo mætti lengi telja.

Þess vegna sé lítið að marka sam­an­burð á félags­gjöldum milli slíkra félaga og síðan alvöru stétt­ar­fé­laga.

„Vegna þess að alvöru stétt­ar­fé­lög sjá um svona mál geta svona félög látið sér nægja að afar lág félags­gjöld því hinir sjá um vinn­una! Það má auð­vitað nota um svona starf­semi ýmis lýs­ing­ar­orð sem ég ætla að spara hérna, en eitt er víst að að baki þessu fer lítið fyrir sam­stöðu og sam­fé­lags­legri ábyrgð,“ segir Gylfi á Face­book síðu sinni, og beinir spjót­unum að Félagi lyk­il­manna, sem eru með mun lægri gjöld en önnur stétt­ar­fé­lög.

Speg­ill­inn á RÚV fjall­aði ítar­lega um svo­nefnd gul stétt­ar­fé­lög á vef sín­um. Þar segir Gunnar Páll að vissu­lega megi skil­greina Félag lyk­il­manna sem gult stétt­ar­fé­lag. Félagið skil­greini sig hins vegar sem félag fyrir stjórn­endur og sér­fræð­inga og sjónum hafi sér­stak­lega verið beint að þeim sem standa utan stétt­ar­fé­laga. Félagið er samt sem áður opið öll­um, og ein­blínir á að vera miðað fyrir stjórn­endur og sér­fræð­inga, þó það sé öllum opið.