Verð­mið­inn á Face­book hefur fallið um 80 millj­arða Banda­ríkja­dala, eða sem nemur um 8 þús­und millj­örðum króna, á und­an­förnum tveimur vik­um.

Spjótin hafa beinst að félag­inu eftir að greint var frá því að fyr­ir­tækið Cambridge Ana­lyt­ica hefði nýtt sér gögnum um not­endur Face­book, sam­tals um 50 millj­ónir manna, meðal ann­ars í vinnu fyrir fram­boð í kosn­ing­um, bæði í Banda­ríkj­unum og Bret­land­i. 

Mark Zucker­berg, for­stjóri og stofn­andi Face­book, hefur nú verið gert að koma fyrir þing­nefnd í Banda­ríkj­unum og svara spurn­ingum um hvernig fyr­ir­tækið fer með gögn not­enda. Zucker­berg segir að nú þegar sá hafin ítar­leg rann­sókn á því hvort skil­málar Face­book hafi verið brotnir eða lög um per­sónu­vernd. 

Hann hefur beðist opin­ber­lega afsök­unar á því að fyr­ir­tækið kunni að hafa brugð­ist trausti not­enda, en segir að rann­sókn muni leiða sann­leik­ann í ljós. 

Í gær lækk­aði verðið á Face­book um tæp­lega 5 pró­sent, og nemur mark­aðsvirði fyr­ir­tæk­is­ins rúm­lega 440 millj­örð­um. Fyrir aðeins 13 dögum var það 520 millj­arðar Banda­ríkja­dala, eða um 52 þús­und millj­arðar króna.

Sam­kvæmt umfjöllun Bloomberg ótt­ast fjár­festar nú hið ver­sta, þegar kemur að horfum Face­book og jafn­vel einnig fleiri tækni­fyr­ir­tækja. Ótt­inn snýr meðal ann­ars að því að nýtt reglu­verk muni gera það að verkum að tækni­fyr­ir­tækin geti ekki nýtt gögn með sama hætti go áður, sem geri þeim erfitt fyrir í rekstri.

Mark­aðsvirði Amazon, Apple og Alp­habet (Goog­le) lækk­aði nokkuð mikið í gær, eða á bil­inu 2,5 til tæp­lega 5 pró­sent. Í umfjöllun Bloomberg var lækk­unin skýrð með því, að fjár­festar ótt­ist að tækni­fyr­ir­tæk­inu muni þurfa að breyta starf­semi sinni og takast á við hert­ari reglu­verk.