Grein­ing­ar- og ráð­gjafa­fyr­ir­tækið Cambridge Ana­lyt­ica komst yfir meira af upp­lýs­ingum um not­endur Face­book, með óeðli­legum hætti, heldur en áður var talið. 

Í fyrstu var frá því greint að fyr­ir­tækið hefði kom­ist yfir upp­lýs­ingar um 50 millj­ónir not­enda, en nú er talið að tæp­lega 90 millj­ónir hafi verið und­ir, að því er breska rík­is­út­varpið BBC greindi frá í kvöld.

Á meðal þess­ara tæp­lega 90 millj­óna er um 1,1 millj­ónir í Bret­landi, en lang­sam­lega flestir voru í Banda­ríkj­un­um. 

Mark Zucker­berg, for­stjóri og stofn­andi Face­book, mun koma fyrir þing­nefnd í Banda­ríkj­unum 11. apr­íl, og mun hann þar  svara spurn­ingum sem lúta að per­sónu­frelsi not­enda og hvernig á því stóð að fyr­ir­tækið komst yfir meira af gögnum en leyfi­legt er að deila, sam­kvæmt skil­málum Face­book. 

Cambridge Ana­lyt­ica hefur unnið fyrir ýmis fyr­ir­tæki og sam­tök, þar á meðal fram­boð Don­alds Trumps og Brexit hreyf­ing­una í Bret­landi. Fyr­ir­tækið er nú til rann­sókn­ar, bæði í Bret­landi og Banda­ríkj­un­um, en það hefur varist ásök­unum og hafnað því að hafa gert nokkuð rangt.

Zucker­berg hefur hins vegar við­ur­kennt, að Face­bok hafi farið illa að ráði sínu og deilt of miklu magni gagna, miðað við það sem skil­málar fyr­ir­tæk­is­ins segja til um. Hann segir hins veg­ar, að nú standi yfir rann­sókn á þessum mál­um, bæði innan Face­book og hjá yfir­völd­um, og hann vilji bíða með nán­ari skýr­ing­ar. 

Verð­mið­inn á Face­book hefur fallið um 20 pró­sent frá því málið komst í hámæli, fyrir rúm­lega þremur vik­um, en mark­aðsvirði fyr­ir­tæk­is­ins er nú 450 millj­arðar Banda­ríkja­dala, eða sem nemur um 45 þús­und millj­örðum króna.