Hlut­fall ferða­manna á móti íbúum er lang­hæst á Íslandi í sam­an­burði við vin­sæl­ustu ferða­manna­þjóðir Evr­ópu. Þetta kemur fram í nýrri skýrslu Íslands­banka um ferða­þjón­ust­una 2018.

Í skýrsl­unni segir að hlut­fallið gefi vís­bend­ingu um álag á inn­viði við­kom­andi þjóð­ar. Inn­viðir fámennra þjóða séu eðli máls­ins sam­kvæmt við­kvæm­ari fyrir mik­illi og hraðri fólks­fjölgun en inn­viðir þeirra þjóða sem fjöl­menn­ari eru.

„Þannig hefur t.d. reynst Íslend­ingum erfitt að mæta vinnu­afls­þörf í ferða­þjón­ustu og bygg­ing­ar­iðn­aði nema með aðfluttu vinnu­afli sam­hliða hraðri fjölgun ferða­manna und­an­far­ið. Eft­ir­spurn eftir atvinnu- og íbúð­ar­hús­næði hefur einnig auk­ist sam­hliða upp­gangi ferða­þjón­ust­unn­ar. Álag á flug- og vega­sam­göngur hefur auk­ist og skap­ast hefur aukin þörf á gisti­veit­inga- og afþrey­inga­tengdri þjón­ust­u.“

Þegar Ísland er borið saman við vin­sæl­ustu ferða­manna­þjóðir í Evr­ópu sést að Ísland er ennþá lít­ill fiskur í stórri tjörn. Hingað koma um 3 pró­sent af þeim fjölda ferða­manna sem ferð­ast til Frakk­lands sem er vin­sæl­asti áfanga­staður í Evr­ópu fyrir ferða­menn.