Þing­flokkur Pírata krefst þess að rík­is­stjórn Íslands setji nú rétt­indi barna í algjöran for­gang og sýni bæði frum­kvæði sjálf og veiti einnig Alþingi og öðrum eft­ir­lits­að­ilum stuðn­ing við að upp­lýsa mál Braga Guð­brands­sonar í starfi sínu sem for­stjóri Barna­vernd­ar­stofu að fullu og án tafa.

Þetta kemur fram í til­kynn­ingu frá flokknum seinni part­inn í dag. 

Ef þær fréttir sem birt­ust í morgun reyn­ist réttar hefur Bragi Guð­brands­son í starfi sínu sem for­stjóri Barna­vernd­ar­stofu beitt sér í trássi við lög, til að þvinga Barna­vernd­ar­nefnd Hafn­ar­fjarð­ar, sem hafði for­ræði á við­kom­andi máli, til að verða að kröfum kunn­ingja síns, föður hins grun­aða. 

Slíkt fram­ferði er ámæl­is­vert og munu þing­menn Pírata beita sér fyrir áfram­hald­andi rann­sókn á því hvort Bragi Guð­brands­son hafi framið lög­brot með aðgerðum sín­um. Hall­dóra Mog­en­sen, for­maður vel­ferð­ar­nefnd­ar, hóf frum­kvæð­is­rann­sókn á mál­inu í jan­úar og hefur vel­ferð­ar­nefnd Alþingis fengið gögn máls­ins,“ segir í til­kynn­ing­unn­i. 

Segir enn fremur í til­kynn­ingu Pírata að full­yrt sé að þrátt fyrir ítrek­aðar kvart­anir barna­vernd­ar­nefnda til félags- og jafn­rétt­is­mála­ráð­herra og í kjöl­far rann­sóknar ráðu­neyt­is­ins, hafi Ásmundur Einar Daða­son ekk­ert aðhafst. 

Í stað þess hafi hann sagt ósatt í pontu Alþingis þann 26. febr­úar síð­ast­lið­inn þegar hann svar­aði fyr­ir­spurn Hall­dóru Mog­en­sen, for­manns vel­ferð­ar­nefnd­ar, á þá leið að „Barna­vernd­ar­stofa eða for­stjóri hennar hafi ekki brotið af sér með neinum hætt­i.“