Stór hluti Íslend­ingar er and­vígur sölu áfengis í mat­vöru­versl­un­um. Stuðn­ings­fólk Fram­sóknar er mest and­vígt því en stuðn­ings­fólk Við­reisnar eru hvað hlynnt­ust því. Þetta kemur fram í nýrri könnun MMR.

Í könn­un­inni sögðu 73,7 pró­sent aðspurðra að þeir væru and­vígir sölu á sterku áfengi í mat­vöru­versl­unum og 54,8 pró­sent sölu á léttu áfengi og bjór. Könn­unin var fram­kvæmd á dög­unum 2.-12. mars síð­ast­lið­inn og svör­uðu 995 manns. And­staðan við mál­efnið stendur nokkurn veg­inn í stað frá því að Félags­vís­inda­stofnun birti nið­ur­stöður úr rann­sókn sinni fyrir um ári síð­an. Þá voru 69,2 pró­sent á móti sölu áfengis í mat­vöru­versl­un­um.

Nær allir stuðn­ings­menn Fram­sóknar sem tók þátt í könn­un­inni, eða 96 pró­sent, voru and­vígir sölu á sterku áfengi í mat­vöru­versl­un­um. Stuðn­ings­fólk Flokks fólks­ins, Vinstri grænna og Sam­fylk­ing­ar­innar voru einnig and­víg sölu áfengis í mat­vöru­versl­un­um. Stuðn­ings­fólk Við­reisn­ar, Pírata og Sjálf­stæð­is­flokks tjáðu mestan stuðn­ing við sölu áfengis í mat­vöru­versl­un­um.

Minni and­staða við sölu á léttu áfengi og bjór

Aðeins 15,3 pró­sent voru hlynnt sölu á sterku áfengi í mat­vöru­versl­unum og 35,8 pró­sent sögð­ust vera hlynnt sölu á léttu áfengi og bjór. Svar­endur yngsta ald­urs­hóps­ins, 18-29 ára, reynd­ust í meira mæli hlynnt sölu á létt áfengi og bjór í mat­vöru­versl­unum eða 52 pró­sent. 

And­staða við sölu áfengis í mat­vöru­versl­unum jókst með hækk­andi aldri. Yfir­gnæf­andi meiri­hluti, eða 84 pró­sent,  í elsta ald­urs­hópn­um, 68 ára og eldri, taldi að áfengi ætti ekki að vera selt í mat­vöru­versl­un­um. Af þeim voru 70 pró­sent mjög and­víg. And­staða var minni meðal svar­enda á höf­uð­borg­ar­svæð­inu, 52 pró­sent, en á lands­byggð­inni, 59 pró­sent. 62 pró­sent kvenna voru and­vígar en aðeins 49 pró­sent karla.