Frjósemi aldrei verið minni á Íslandi

Frjósemi kvenna á Íslandi árið 2017 var 1,71 en yfirleitt er miðað við að frjósemi þurfi að vera um 2,1 barn til þess að viðhalda mannfjöldanum til lengri tíma litið.

Barn
Auglýsing

Frjó­semi íslenskra kvenna árið 2017 var 1,71 barn á ævi hverrar konu og hefur hún aldrei farið lægra frá því að mæl­ingar hófust árið 1853. Árið 2016 var frjó­semi 1,75 en það er næst lægsta frjó­semi sem mælst hefur hér á landi. Und­an­far­inn ára­tug hefur frjó­semi á Íslandi verið rétt um tvö börn á ævi hverrar konu.

Þetta kemur fram í frétt Hag­stof­unn­ar.

Árið 2017 fædd­ust 4.071 barn á Íslandi, sem er fjölgun frá árinu 2016 þegar 4.034 börn fædd­ust. Alls fædd­ust 2.112 drengir og 1.959 stúlkur en það jafn­gildir 1.078 drengjum á móti hverjum 1.000 stúlk­um.

Helsti mæli­kvarði á frjó­semi er fjöldi lif­andi fæddra barna á ævi hverrar konu. Yfir­leitt er miðað við að frjó­semi þurfi að vera um 2,1 barn til þess að við­halda mann­fjöld­anum til lengri tíma lit­ið. 

Auglýsing

Með­al­aldur mæðra hækkar

Í frétt­inni kemur enn fremur fram að frjó­semi á Íslandi hafi verið með því mesta sem þekk­ist í Evr­ópu á síð­ustu árum en árið 2016 hafi frjó­semi verið undir tveimur í öllum löndum Evr­ópu­sam­bands­ins. Frjó­semi var að með­al­tali 1,6 í 28 löndum Evr­ópu­sam­bands­ins árið 2016, mest var hún í Frakk­landi eða 1,92. Síð­ustu ár hefur fæð­ing­ar­tíðni innan álf­unnar verið lægst í löndum Suð­ur­-­Evr­ópu og er árið 2016 engin und­an­tekn­ing, en fæð­ing­ar­tíðni var 1,34 á Spáni og Ítalíu og 1,36 í Portú­gal.

Með­al­aldur mæðra hefur hækkað jafnt og þétt síð­ustu ára­tugi og eign­ast konur nú sitt fyrsta barn síðar á ævinni en áður var. Frá byrjun sjö­unda ára­tug­ar­ins og fram yfir 1980 var með­al­aldur frumbyrja undir 22 árum en eftir miðjan níunda ára­tug­inn hefur með­al­ald­ur­inn hækkað og var 27,8 ár í fyrra. Algeng­asti barn­eigna­ald­ur­inn er á milli 25 til 29 ára. Á þessu ald­urs­bili fædd­ust 108 börn á hverjar 1.000 konur í fyrra. 

Fæð­ing­ar­tíðni mæðra undir tví­tugu í fyrra var 5,9 börn á hverjar 1.000 kon­ur. Það er afar lágt miðað við þegar hún fór hæst á ára­bil­inu 1961 til 1965 en þá fædd­ust 84 börn á hverjar 1.000 konur undir tví­tugu. Til sam­an­burðar var með­al­aldur frumbyrja 29 ár í 28 löndum Evr­ópu­sam­bands­ins árið 2016, yngstar voru frumbyrjur í Búlgaríu eða 26 ára en elstar á Ítalíu eða 31 árs.

Tæp­lega 30% barna fæð­ast innan hjóna­bands 

Árið 2017 fædd­ust 28,8 pró­sent barna á Íslandi í hjóna­bandi. Rúm­lega 56 pró­sent barna fædd­ust í óvígðri sam­búð og 14,8 pró­sent fædd­ust því utan sam­búðar eða hjóna­bands. Af 28 löndum Evr­ópu­sam­bands­ins fæð­ast um 40 pró­sent barna utan hjóna­bands. Næstó­lík­leg­ast, á eftir Íslandi, er að börn fæð­ist innan hjóna­bands í Frakk­landi, eða 59,7 pró­sent, Sló­veníu og Búlgar­íu, 58,6 pró­sent. Til sam­an­burðar fæð­ast varla börn utan hjóna­bands í Tyrk­landi, eða 2,9 pró­sent, og það sama má segja um Grikk­land eða 9,4 pró­sent.

Minkaræktun í Kína
Loðdýrabú rekin með tapi síðustu ár
Loðdýrabú hafa verið rekin með tapi hér á landi undanfarin fjögur ár og minkabændum fækkað. Greinin óskaði eftir fjárhagsaðstoð frá stjórnvöldum í fyrra og sett hefur verið á laggirnar nefnd til að greina vanda greinarinnar.
Kjarninn 19. mars 2019
Snöggkólnar á fasteignamarkaði
Kólnað hefur á fasteignamarkaði, miðað við það sem verið hefur undanfarin ár.
Kjarninn 19. mars 2019
Smári McCarthy
Trúverðugleiki stofnana
Kjarninn 19. mars 2019
Joachim Fischer
Hinn heilagi ritstjóri Bændablaðsins
Kjarninn 19. mars 2019
Hælisleitendur mótmæla fyrir framan Alþingishúsið
Þrír handteknir við Alþingishúsið
Þrír voru handteknir við Alþingishúsið í dag eftir að lögreglan var kölluð þangað vegna mótmæla hælisleitenda. Samtökin Refugees in Iceland segja að um friðsöm mótmæli hafi verið að ræða og að þau hafi ekki ætlað að hindra aðgengi að Alþingi.
Kjarninn 19. mars 2019
Róbert R. Spanó, lögmaður og dómari við Mannréttindadómstól Evrópu
Telur tregðu íslenskra dómstóla að fylgja dómum MDE vera á undanhaldi
Róbert Spanó, dómari við Mannréttindadómstóll Evrópu, telur að upphafleg tregða íslenskra dómstóla til þess að fylgja dómum dómstólsins sé á undanhaldi og að undanfarna áratugi hafi íslenskir dómstólar leitast við að eiga samstarf við dómstólinn.
Kjarninn 19. mars 2019
Kristján Þórður Snæbjarnarson
Iðnaðarmenn slíta viðræðum við SA
Iðnaðarmenn slitu samningaviðræðum við Samtök atvinnulífsins fyrir hádegi í dag. Kristján Þórður Snæbjarnarson, talsmaður iðnaðarmanna, segir að nú hefjist undirbúningur verkfallsaðgerða.
Kjarninn 19. mars 2019
Flóttafólk mótmælir á Austurvelli. Búið er að taka tjaldið niður.
Sér ekki hvernig sérstök smithætta eigi að vera af því að fólk setji upp tjald
Sóttvarnalæknir hefur meiri áhyggjur af hreinlætisaðstöðu víðs vegar um landið fyrir ferðamenn en að flóttafólk hafi safnast saman á Austurvelli.
Kjarninn 19. mars 2019
Meira úr sama flokkiInnlent