Sós­í­alista­flokk­ur­innm mun styðja ákveðin mál í borg­ar­stjórn, þau mál sem flokk­ur­inn setti á odd­inn í kosn­inga­bar­átt­unni, án til­lits til þess hvaða flokkar koma sér saman um meiri­hluta­sam­starf.

Þetta kemur fram í til­kynn­ingu á vef­síðu Sós­í­alista­flokks­ins í nafni Sönnu Magda­lenu Mörtu­dóttur borg­ar­full­trúa og Dan­í­els Arnar Arn­ars­sonar vara­borg­ar­full­trúa flokks­ins.

­Meðal þeirra mála er að leigj­endur og fólk á biðlista eftir félags­legum íbúðum verði skipað í stjórn Félags­bú­staða, að upp­komin fóst­ur­heim­ila­börn verði skipuð í barna­vernd­ar­nefnd, að strætófar­þegar verði skip­aðir í stjórn Strætó bs og not­endur þjón­ustu Reykja­vík­ur­borgar verði með beinum hætti settir yfir mótun þjón­ust­unnar og upp­bygg­ingu borg­ar­inn­ar. „Gott sam­fé­lag verður aðeins byggt upp af kröfum og vænt­ingum fólks­ins sem upp­lifir órétt­læti og ágalla núver­andi kerfa,“ segir í frétt­inn­i. 

Enn fremur muni þau styðja að Reykja­vík­ur­borg stofni sjálf bygg­inga­fé­lag og byggi ódýrt og öruggt hús­næði fyrir fólk þar til byrðum hús­næð­iskrepp­unnar verður aflétt af þeim sem síst geta borið hana; lág­launa­fólki, fátæku eft­ir­launa­fólki, öryrkj­um, ungu fólki, inn­flytj­endum og öðru valda­lausu fólki.

„Að lág­marks­laun hjá stofn­unum og fyr­ir­tækjum Reykja­vík­ur­borgar verði strax hækkuð í 400 þús­und krónur á mán­uði og að stofn­unum og fyr­ir­tækjum Reykja­vík­ur­borgar verði bannað að kaupa vöru og þjón­ustu af fyr­ir­tækjum sem greiða sínu lægst laun­aða fólki lægri laun.

Að öll útvistun hjá Reykja­vík­ur­borg og stofn­unum hennar og fyr­ir­tækjum sem hún á hlut í verði hætt. Allt starfs­fólk skal ráðið til starfa af þeim stofn­unum og fyr­ir­tækjum þar sem það sinnir vinnu sinni og með öllum rétt­indum og kjörum sem fylgir fast­ráðn­ingu.

Að unnið skuli kerf­is­bundið gegn stétta­skipt­ingu í grunn­skól­um, allar greiðslur nem­enda fyrir náms­gögn, mat eða tóm­stundir aflagðar og þjón­usta skól­anna miðuð við þau börn sem minnst stuðn­ings njóta heima.

Að almanna­sam­göngur í borg­inni verði byggðar upp af kröfum þeirra sem ferð­ast með strætó og að skipað verði fjöl­mennt ráð strætófar­þega til að móta fram­tíð­ar­stefnu fyrir strætó og almanna­sam­göngur í borg­inni og nágranna­byggð­um.

Að öllu sam­kurli við lóða­brask­ara, verk­taka og einka­rekin leigu­fé­lög varð­andi skipu­lags­mál verði hætt og að það verði stefna borg­ar­innar að hrekja gróða­fyr­ir­tæki frá braski með íbúð­ar­hús­næð­i,“ segir í til­kynn­ing­unn­i.