Búið að skrá sig fyrir öllu sem er til sölu í útboði á hlutum í Arion banka

Allt að 40 prósent hlutur í Arion banka er til sölu í útboði sem lýkur í dag. Fjárfestar hafa skráð sig fyrir öllum þeim hlut. Að mestu er um erlenda sjóði að ræða.

Arion Banki
Auglýsing

Fjár­festar hafa skráð sig fyrir öllum þeim hlutum sem eru til sölu í útboði á bréfum Arion banka og þeirri stækk­un­ar­heim­ild sem er til stað­ar.  Sam­kvæmt skil­málum útboðs­ins var að minnsta kosti 25 pró­sent hlutur í bank­anum til sölu en í mesta lagi 40 pró­sent.

Í til­kynn­ingu til Kaup­hallar vegna þessa er tekið fram að ekki sé búið að taka til­boðum né er búið að taka ákvörðun um útboðs­verð, enda lýkur almennu útboði á Íslandi og í Sví­þjóð ekki fyrr en klukkan 15 í dag. Til­kynn­ingin var send út vegna ábend­ingar frá Fjár­mála­eft­ir­lit­inu.

­Sam­kvæmt upp­lýs­ingum Kjarn­ans hafa erlendir vog­un­ar- og fjár­fest­ing­ar­sjóðir skráð sig fyrir stærstum hluta þeirra bréfa sem eru í boði. Þegar hafa tveir erlendir fjár­fest­ing­ar­sjóð­ir, Milton Asset Mana­gement Limited og Lands­downe Partners hafa skuld­bundið sig til að kaupa hluta­bréf í Arion banka fyrir sam­tals 60,5 millj­­ónir dali, tæp­­lega 6,4 millj­­arða króna. Þeir verða svo­­kall­aðir horn­­steina­fjár­­­festar en þurfa ekki að und­ir­­gang­­ast neinar sölu­hömlur vegna kaupa sinna. Búast má við því að þeir eign­ist á bil­inu 4,4, til 5,2 pró­­sent hlut í bank­an­­um.

Auglýsing
Sölu­verð hluta í Arion banka í yfir­stand­andi útboði hans er er umtals­vert undir bók­­færðu eigin fé bank­ans. Það er, sam­­kvæmt síð­­asta birta upp­­­gjöri, 204 millj­­arðar króna. Miðað við gengið sem verður í útboð­inu verður hlutafé í bank­­anum til sölu á bil­inu 0,6 til 0,7 krónur fyrir hverja krónu af eigin fé. Miðað við það er Arion banki met­inn á 123 til 143 millj­­arða króna. Bank­inn verður næst­verð­­mætasta félag sem skráð verður á íslenskum hluta­bréfa­­mark­aði á eftir Mar­el, en virði þess er 263 millj­­arðar króna. Bréf Arion banka verða tekin til við­skipta í kaup­höllum á Íslandi og Sví­þjóð á föstu­dag, 15.júní.

Grein­endur segja bank­ann met­inn of lágt

Mark­að­ur­inn, fylgi­rit Frétta­blaðs­ins um efna­hags­mál og við­skipti, greinir frá því í dag að grein­endur meti virði bréfa í Arion banka á 18 til 56 pró­sent yfir útboðs­gengi. Þannig verð­leggja sér­fræð­ingar Capacent til að mynda bréf í bank­anum á 0,94 krónur á hlut, sem myndi þýða að heild­ar­virði Arion banka væri 192,4 millj­arðar króna, eða 49,4 til 69,4 millj­örðum króna hærra en útboðs­geng­ið.  

Kaup­­þing, stærsti eig­andi Arion banka, á sem stendur 55,57 pró­­sent hlut í bank­an­­um. Auk þess á Arion banki 9,5 pró­­sent í sjálfum sér. Einn núver­andi eig­enda Arion banka, Attestor Capital, mun einnig selja hluta af eign sinni í útboð­inu fái hann ásætt­an­­legt verð fyr­­ir.

Íslenska ríkið ákvað í aðdrag­anda útboðs­ins að for­­kaups­­réttur rík­­is­ins muni ekki gilda við skrán­ing­una á mark­að. For­­­kaups­­rétt­­ur­inn var tryggður í stöð­ug­­­leika­­­samn­ingi við kröf­u­hafa Arion banka. Sam­­­kvæmt honum virkj­­­ast réttur rík­­­is­ins til að ganga inn í við­­­skipti með hluti í Arion banka ef verðið í þeim við­­­skiptum fer niður fyrir 0,8 krónur á hverja krónu af bók­­­færðu eigin fé Arion banka. Nú er ljóst að verðið í útboð­inu verður tölu­vert undir þeim mörk­­um. En gangi spár grein­ing­ar­að­ila eftir er raun­virði hlut­ana í Arion umtals­vert hærra.

Ætla með arð­semi í tveggja stafa tölu

Síð­­asta upp­­­gjör Arion banka þótti ekki mjög gott. Hagn­aður sam­­­stæðu bank­ans á fyrstu þremur mán­uðum árs­ins 2018 nam 1,9 millj­­­örðum króna sam­an­­­borið við 3,4 millj­­­arða króna á sama tíma­bili 2017. Arð­­­semi eigin fjár var aðeins 3,6 pró­­sent sam­an­­­borið við 6,3 pró­­sent fyrir sama tíma­bil árið 2017, en þetta telst lágt í alþjóð­­­legum sam­an­­­burð­i.

Í skrán­ing­­ar­lýs­ing­u bank­ans segir að Arion banki meti sem svo að rekstur hans hafi þró­­ast með jákvæðum hætti frá því í lok mars 2018. „Hreinar vaxta­­tekjur juk­ust í apr­íl, að hluta til vegna auk­innar verð­­bólgu, sem hefur jákvæð áhrif á vaxta­mun bank­ans þar sem hann á meiri verð­­tryggðar eignir en skuld­­ir. Hreinar vaxta­­tekjur juk­ust einnig vegna end­­ur­greiðslu á skulda­bréfi á fyrsta árs­fjórð­ungi 2018 sem bar til­­­tölu­­lega háa vexti, sem dró úr vaxta­­kostn­aði. Lána­­safn bank­ans hefur stækkað í sam­ræmi við vöxt­inn á fyrsta árs­fjórð­ungi með áfram­hald­andi vexti í hús­næð­is­lán­um, lánum til lít­illa og með­­al­stórra félaga og útlánum til fyr­ir­tækja. Trygg­inga­­starf­­semi bank­ans hefur batnað eftir erf­iðan fyrsta árs­fjórð­ung. Kostn­að­­ar­grunnur hefur fylgt sam­­bæri­­legri þróun og fyrstu þremur mán­uðum árs­ins 2018 og virð­is­rýrnun útlána hefur verið að mestu óbreytt frá lokum fyrsta árs­fjórð­ungs. Verk­efna­­staða á útlána­sviðum og í fyr­ir­tækja­ráð­­gjöf eru í góðum far­­veg­i.“

Í til­­kynn­ingu sem birt var um miðjan maí, þar sem útboðið var boð­að, sagði að mark­mið Arion banka sé að vera með arð­­semi eigin fjár sem sé yfir tíu pró­­sent. Til að ná því er lík­­­legt að breyta þurfi fjár­­­mögnun bank­ans mjög með því að greiða út eigin fé og sækja víkj­andi lán (sett mark­mið er að minnka eig­in­fjár­­hlut­­fall úr 23,6 pró­­sent í 17 pró­­sent), minnka rekstr­­ar­­kostnað umtals­vert (kostn­að­­ar­hlut­­fall er nú 70,8 pró­­sent en sett mark­mið er að ná því undir 50 pró­­sent) t.d. með því að fækka starfs­­fólki og ná hóf­­legum vexti í útlánum sem sé í takti við vöxt í þjóð­­ar­fram­­leiðslu á Íslandi í nán­­ustu fram­­tíð.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Aldís Hafsteinsdóttir, formaður Sambands íslenskra sveitarfélaga og bæjarstjóri Hveragerðis.
„Við þurfum fleiri ferðamenn“
Formaður Sambands íslenskra sveitarfélaga telur nauðsynlegt að fleiri ferðamenn komi til Íslands sem fyrst og vill breytingar á fyrirkomulagi skimana á Keflavíkurflugvelli.
Kjarninn 11. júlí 2020
Gunnar Hólmsteinn Ársælsson
Frekju og yfirgangi Ísraels engin takmörk sett
Kjarninn 11. júlí 2020
Sjávarútvegurinn hefur bætt við sig störfum á meðan hart hefur verið í ári hjá ferðaþjónustunni.
Ferðaþjónustan skreppur saman en sjávarútvegurinn er í sókn
Rúmlega helmingi færri störfuðu í ferðaþjónustu á síðasta ársfjórðungi miðað við árið á undan. Störfum í sjávarútvegi hefur hins vegar fjölgað um helming.
Kjarninn 11. júlí 2020
„Þegar dætrum mínum var ógnað, náðu þeir mér“
Þegar Guðrún Jónsdóttir gekk inn í Kvennaathvarfið árið 1988 til að taka sína fyrstu vakt mætti henni kasólétt kona með glóðarauga. Hún hafði gengið inn í heim sem hafði fram til þessa verið henni gjörsamlega hulinn. „Ég grét í heilan sólarhring.“
Kjarninn 11. júlí 2020
Eldishús með Aviary Pro 10 varpkerfi frá Hellmann sambærilegt kerfum sem verða í notkun að Vallá.
Stjörnuegg vill fjölga fuglum í allt að 95 þúsund að Vallá
Fyrirtækið Stjörnuegg hf. áformar breytingar á eldishúsum sínum að Vallá á Kjalarnesi sem yrðu til þess að hægt væri að koma þar fyrir 95 þúsund fuglum í stað 50 þúsund nú. Slíkum fjölda fylgja um 3.500 tonn af hænsnaskít á ári.
Kjarninn 11. júlí 2020
Kristján Þór Júlíusson, sjávarútvegs- og landbúnaðarráðherra.
Kvótaþak óbreytt í tillögum – sem og hvað aðilar þurfi að eiga hvor í öðrum til að teljast tengdir
Lokaskýrsla verkefnastjórnar um bætt eftirlit með fiskveiðiauðlindinni hefur litið dagsins ljós og hefur hún verið afhent Kristjáni Þór Júlíussyni, sjávarútvegsráðherra. Einn stjórnarmeðlimur setur sérstakan fyrirvara við skýrsluna.
Kjarninn 10. júlí 2020
Pottersen
Pottersen
Pottersen – 39. þáttur: Naumlega sloppið!
Kjarninn 10. júlí 2020
Ingimundur Bergmann
Hótelhald, búfjárhald og pólitík
Kjarninn 10. júlí 2020
Meira úr sama flokkiInnlent