Íslenska karla­lands­liðið spilar í dag sinn fyrsta leik í úrslita­keppni HM í sög­unni, þegar liðið mætir stór­liði Argent­ínu, sem er með stjörnum prýtt lið og sjálfan Lionel Messi í broddi fylk­ing­ar, í treyju númer 10. 

Heimir Hall­gríms­son, þjálf­ari Íslands, sagði á blaða­manna­fundi fyrir leik­inn í gær, að und­ir­bún­ingur Íslands hefði gengið vel. „Við erum búnir að vera lengi að und­ir­búa okkur og það er fullt af fólki í kringum mig sem veit út í hvað við erum að fara. Und­ir­bún­ing­ur­inn er það góður að við erum ekki að redda neinu á síð­ustu stundu eins og hefur oft farið í taug­arnar á þjálf­ar­anum eða þeim sem er að stjórna hlut­um. Þetta er allt mjög vel skipu­lag­t,“ ­sagði Heim­ir, en Fót­bolt­i.­net greindi frá blaða­manna­fund­inum í smá­at­rið­u­m. 

Gríð­ar­legur áhugi erlendra fjöl­miðla er á leikn­um. Meðal ann­ars vegna þess að ein mest stjarna fót­bolt­ans, Messi, er að hefja leik, en einnig vegna þess að Ísland er fámenn­asta landið í sög­unni til að ná þeim árangri að koma lands­liði á HM.

Hátt í þús­und erlendir fjöl­miðla­menn hafa boðað komu sín á leik­inn. Hér á landi er spennan vegna leiks­ins raf­mögn­uð. 

Hann verður sýndur á risa­skjám víða um land og má búast við miklum mann­fjölda, ekki síst í Hljóm­skála­garð­inum og á Ing­ólfs­torg­i. 

Byrj­un­ar­lið Íslands hefur ekki verið gefið út enn, og skýrist það skömmu fyrir leik. Jorge Sampa­oli, þjálf­ari Argent­ínu, til­kynnti um byrj­un­ar­lið Argent­ín­u. 

Mark­vörð­­ur­: Willy Caball­­er­o (Chel­­sea)

Hægri bak­vörð­­ur­: Ed­u­­ardo Sal­vi­o (Ben­fica)

Vinstri Bak­vörð­­ur­: N­icolas Tagli­afico (A­jax)

Mið­verð­ir: N­icolas Ota­m­end­i (M­­an.City), Marcos Rojo (M­­an.Utd)

Miðju­­menn: Ja­vier Mascher­a­no (Hebei China Fortu­­ne), Lucas Bigl­i­a (AC Milan),  Angel Di Mar­í­a (PS­G), Max­im­il­i­ano Meza (Ind­erpend­i­ente).

„Tí­a“: Lionel Messi (Barcelona)

Fram­herj­­i: Sergio Agu­er­o (M­­an.City).

Leik­ur­inn hefst klukkan 13:00 að íslenskum tíma og fer fram á Spar­tak vell­inum í Moskvu.

Þetta er í fyrsta sinn sem Ísland mætir Argent­ínu, en Argent­ínu­menn hafa orðið heims­meist­arar tvisvar, 1978 og 1986. Argent­ína spil­aði til úrslita árið 2014 gegn Þjóð­verj­um, en tap­aði eftir fram­lengdan leik.