Lilja Alfreðs­dóttir settur ráð­herra mun skipa Berg­þóru Þor­kels­dóttur dýra­lækni í emb­ætti for­stjóra Vega­gerð­ar­innar frá og með 1. ágúst næst­kom­andi. Þetta kemur fram í frétt Stund­ar­innar, en sam­kvæmt henni verður til­kynnt um skip­un­ina á næstu dög­um. 

Vega­gerðin til­heyrir sam­göngu- og sveit­ar­stjórn­ar­ráðu­neyt­ið, en ráðn­ingin var sett í hendur Lilju Alfreðs­dóttur vegna tengsla sitj­andi ráð­herra, Sig­urðar Inga Jóhanns­son­ar, við umsækj­anda. 

Kjarn­inn hefur áður fjallað um ráðn­ing­ar­ferlið, en ráðu­neyt­inu láð­ist að aug­lýsa emb­ættið í Lög­birt­inga­blað­inu. Emb­ættið var fyrst aug­lýst á Starfa­torgi og í dag­blöðum en sam­kvæmt lögum bar einnig aug­lýsa það í Lög­birt­inga­blað­i. 

Sam­kvæmt frétt Stund­ar­innar stund­aði Berg­þóra nám í mark­aðs­fræðum við Chartered Institute of Mar­ket­ing í Bret­landi og nam rekstr­ar- og við­skipta­fræði við Háskóla Íslands. Áður lauk hún kandídats­prófi í dýra­lækn­ing­um, en hún fékk lækn­inga­leyfi árið 1991, tveimur árum á eftir Sig­urði Inga.

Berg­þóra hefur starfað sem for­stjóri ÍSAM efh., fram­kvæmda­stjóri Líf­lands og Kornax og hjá Fast­us. Hún hefur setið í stjórn Sam­taka iðn­að­ar­ins og í full­trúa­ráði Sam­taka atvinnu­lífs­ins. Nýlega tók hún svo sæti í stjórn Við­skipta­ráðs Íslands.

Berg­þóra mun taka við emb­ætt­inu af Hreini Har­alds­syni, en Hreinn hefur gegnt starfi vega­mála­stjóra síðan árið 2008 þegar Krist­ján L. Möll­er, þáver­andi sam­göngu­ráð­herra, skip­aði hann í emb­ætt­ið.