Katrín Jak­obs­dóttir for­sæt­is­ráð­herra sendir drengj­unum og þjálf­ara þeirra, sem fastir eru í Tham Luang-hell­inum í Tæland­i, og fjöl­skyld­um ­kveðju á Twitter og segir að fólk sé að hugsa til þeirra víða um heim og að það geri Íslend­ingar einnig.

Tólf drengir og knatt­spyrnu­þjálf­ari þeirra hafa fastir í hell­inum und­an­farna fimmtán daga. RÚV greinir frá því í dag að tveir þeirra séu nú komnir út. Sky frétta­stofan hafi þetta eftir yfir­völd­um.

Umfangs­miklar björg­un­ar­að­gerðir standa nú yfir en þær hófust í nótt. Sam­kvæmt RÚV segir yfir­maður björg­un­ar­að­gerða að þrettán fær­ustu hellakaf­arar heims hafi verið fengnir til verks­ins, auk fimm taí­lenskra kaf­ara.

„Tveir kaf­arar fylgja hverjum dreng út. Allir þrír bera súr­efn­is­grímur og fikra sig áfram eftir köðlum til að kom­ast í gegnum þröngt rým­ið. Talið er að hver ferð taki um sex klukku­stundir og drengirnir þurfa að kafa, synda, vaða og klifra til að kom­ast út. Læknir vitj­aði þeirra í gær og segir þá alla vera við góða heilsu svo þær ættu að ráða við verk­efn­ið. Ferðin er engu að síður mikil hættu­för, vatns­yf­ir­borðið hækkar sífellt og skemmst að minn­ast þess að kaf­ari lést við björg­un­ar­störf þar í vik­unni.

Mik­ill við­bún­aður er á staðn­um, fjöl­mennt lið lækna og hjúkr­un­ar­fólks er til taks og fjöl­miðlar hafa verið beðnir um að veita björg­un­ar­fólki svig­rúm,“ segir í frétt­inni.