Atkvæða­greiðslu um miðl­un­ar­til­lögu rík­is­sátta­semj­ara milli Ljós­mæðra­fé­lags Íslands og rík­is­stjórn­ar­innar var sam­þykkt af ljós­mæðrum fyrr í dag með yfir­gnæf­andi meiri­hluta atkvæða. Þetta kemur fram á heima­síðu Rík­is­sátta­semj­ara.

Sam­kvæmt Rík­is­sátta­semj­ara var til­lagan sam­þykkt með 95,1% atkvæða, en 247 voru á kjör­skrá og greiddu 224 þeirra atkvæði, eða 91%. Fjár­mála- og efna­hags­ráð­herra sam­þykkti einnig miðl­un­ar­til­lög­una. Nýr kjara­samn­ingur hefur því kom­ist á og mun hann gilda til 31. mars á næsta ári.

Kjarn­inn greindi frá miðl­un­ar­til­lögu Rík­is­sátta­semj­ara á laug­ar­dags­kvöld­ið, en með henni ákvað Ljós­mæðra­fé­lagið að aflýsa yfir­vinnu­bann­inu sínu. Sam­kvæmt Rík­is­sátta­semj­ara felur til­lagan í grunda­vall­ar­at­riðum í sér sam­bæri­legar hækk­anir og samn­ingur Ljós­mæðra­fé­lags­ins og rík­is­stjórn­ar­innar frá 29. maí. 

Einnig felur til­lagan í sér að sér­stökum gerð­ar­dómi verði falið að kveða upp úr um það hvort og þá að hvaða leyti launa­setn­ing stétt­ar­innar sé í sam­ræmi við álag, menntun og inn­tak stafs ljós­mæðra.  Dóm­ur­inn verður skip­aður af Rík­is­sátta­semj­ara og skal hann ljúka störfum eigi síðar en fyrsta sept­em­ber næst­kom­andi.