Per Sand­berg sjáv­ar­út­vegs­ráð­herra Nor­egs mun segja af sér seinna í dag, í kjöl­far hneyksl­is­máls um Írans­ferð hans fyrr í sum­ar. Þetta herma heim­ild­ir Af­ten­post­en. 

Sand­berg hefur mætt harðri gagn­rýni eftir að í ljós kom að hann hafi brotið fjölda örygg­is­reglna emb­ættis síns með því að hafa ferð­ast til Íran með kær­ustu sinni í júlí, en hvorki hans eigið ráðu­neyti né for­sæt­is­ráðu­neytið fengu að vita um heim­sókn­ina fyrir fram. Ráð­herr­ann sagð­ist ekki hafa til­kynnt ferð­ina þar sem hún hafi verið hluti af breyttum ferða­plönum síns og kær­ustu sinn­ar, en hann ætl­aði upp­haf­lega til Tyrk­lands. 

Hörð­ust hefur gagn­rýnin þó verið vegna þess að Sand­berg tók vinnu­sím­ann sinn með til Íran og braut þannig reglur þjóðar­ör­ygg­is­stofn­un­ar­inn­ar. Sím­inn hefur nú verið afhentur örygg­is­þjón­ustu Nor­egs til rann­sókn­ar. 

Sam­kvæmt heim­ild­um Af­ten­posten mun Har­ald Tom ­Nes­vik ­taka við af Sand­berg sem sjáv­ar­út­vegs­ráð­herra á rík­is­stjórn­ar­fundi eftir hádegi í dag. ­Nes­vik var þing­flokks­for­maður norska Fram­fara­flokks­ins (Frp) á síð­asta kjör­tíma­bil, en afþakk­aði þing­sæti fyrir sum­arið vegna fjöl­skyldu­að­stæðna.

Sand­berg hefur verið sjáv­ar­út­vegs­ráð­herra í rík­is­stjórn Ern­u Sol­berg ­síðan í des­em­ber 2015. Hann var einnig settur dóms­mála­ráð­herra um tíma fyrr í ár. Hann kemur úr Fram­fara­flokknum og hóf stjórn­mála­feril sinn sem þing­maður fyrir 21 ári síð­an.