Upp­lýs­ingar úr fjár­festa­kynn­ingu WOW Air, sem birt var á vef Kjarn­ans, hafa nú verið teknar úr henni, en þær snéu að sam­an­burði á kostn­aði milli WOW Air og Icelanda­ir. For­sendur í sam­an­burð­inum voru ekki réttar og því hafa þær verið teknar úr kynn­ing­unni. Túrist­i.is greint fyrst frá þess­ari breyt­ingu á kynn­ing­unni.

Norska fyr­ir­tækið Par­eto, sem vinnur að skulda­bréfa­út­gáfu og fjár­festa­kynn­ingum með WOW Air, tók upp­lýs­ing­arnar úr kynn­ing­unni, en eins og greint hefur verið frá á vef Kjarn­ans, meðal ann­ars í ítar­legri frétta­skýr­ingu um vanda íslenskra flug­fé­laga, þá leitar WOW Air nú 6 til 12 millj­arða brú­ar­fjár­mögn­unar til að leysa fjár­hags­vanda félags­ins og und­ir­búa fyr­ir­hug­aðan vöxt félags­ins. 

Í kynn­ing­unni kom fram að svo­nefndur ein­inga­­kostn­aður WOW air væri um 46 pró­­sent lægri en hjá Icelanda­ir, en í sam­an­burð­inum var kostn­aður Icelandair ofmet­inn þar sem flug­rekst­ur­inn, sér­tækt, hafði ekki verið skil­inn frá öðrum kostn­aði Icelanda­ir, eins og hót­el­rekstri og öðrum rekstri. Af þeim sökum gaf sam­an­burð­ur­inn ranga mynd af stöðu mála. 

Stjórn­völd hafa und­an­farna mán­uði fylgst náið með fram­vindu mála hjá flug­fé­lög­un­um, eins og rakið var í frétta­skýr­ingu Kjarn­ans. 

Þau eru orðin kerf­is­lægt mik­il­væg fyrir íslenska hag­kerf­ið, en ferða­þjón­usta hefur gegnt lyk­il­hlut­verki við end­ur­reisn íslenska hag­kerf­is­ins á und­an­förnum ára­tug. Fjölgun ferða­manna, meðal ann­ars vegna starf­semi WOW Air og Icelanda­ir, hefur verið gríð­ar­lega hröð. Árið 2010 voru erlendir ferða­menn um 450 þús­und en fjöldi þeirra fór upp í 2,7 millj­ónir í fyrra.