Fjár­magnstekjur eru að með­al­tali lang­hæstar í Garðabæ og á Sel­tjarn­ar­nesi, þegar skoðuð er skipt­ing þeirra innan fjöl­menn­ustu sveit­ar­fé­laga lands­ins. Á árinu 2017 hafði hver Íslend­ingur að með­al­tali 626 þús­und krónur í fjár­magnstekj­ur. Með­al­tal slíkra tekna á Sel­tjarn­ar­nesi var hins vegar 1.403 þús­und krónur á hvern íbúa og 1.295 þús­und krónur á hver íbúa í Garða­bæ. Til sam­an­burðar má nefna að með­al­tal fjár­magnstekna hjá íbúum Reykja­víkur var 605 þús­und krón­ur.

Því er með­al­tal fjár­magnstekna um 132 pró­sent hærra á Sel­tjarn­ar­nesi en í Reykja­vík og 107 pró­sent hærra í Garðabæ en í höf­uð­borg­inni. Þetta kemur fram í nýbirtum tölum Hag­stofu Íslands um tekjur ein­stak­linga.

Ráð­stöf­un­ar­tekjur líka hærri

Það kemur kannski ekki á óvart, í ljósi þess að flestir sem hafa beinar tekjur af fjár­magni í sinni eigu búa í þessum tveimur sveit­ar­fé­lög­um, en ráð­stöf­un­ar­tekjur eru hærri hjá íbúum Sel­tjarn­ar­ness og Garða­bæjar en í öðrum sveit­ar­fé­lögum á höf­uð­borg­ar­svæð­inu, þar sem rúm­lega ⅔ hluti lands­manna býr.

Ráðstöfunartekjur, það sem situr eftir til að eyða eftir að búið er að greiða alla skatta og öll gjöld, voru um sex millj­ónir króna á hvern íbúa Garða­bæjar á síð­asta ári og tæp­lega 5,8 millj­ónir króna hjá íbúum á Sel­tjarn­ar­nesi.

Lang­hæstu ráð­stöf­un­ar­tekjur á hvern íbúa voru hins vegar í Grund­ar­fjarð­ar­bæ, þar sem þær voru 13,7 millj­ónir króna á árinu 2017. Ljóst er að um frá­vik er að ræða þar sem að ráð­stöf­un­ar­tekjur hækk­uðu um tæp­lega tíu millj­ónir króna á milli ára og ráð­stöf­un­ar­tekjur síð­asta ár voru miklu hærri en allra áranna sem á undan komu. Og uppi­staðan af aukn­ing­unni er vegna fjár­magnstekna, sem voru 10,1 millj­ónir króna á hvern íbúa í Grund­ar­fjarð­arbæ á síð­asta ári. Auk þess verður að taka til­lit til ess að í Grund­ar­firði búa ein­ungis 834 manns.