Amazon varð rétt í þessu annað skráða fyr­ir­tækið í sög­unni til þess að ná verð­miða upp á eitt þús­und millj­arða Banda­ríkja­dala, eða sem nemur um 109 þús­und millj­örðum króna. Hitt fyr­ir­tækið sem hefur náð þessum verð­miða er App­le, en það náði verð­mið­anum fyrr á þessu ári. 

Jeff Bezos, for­stjóri og stofn­andi Amazon, á ennþá 17 pró­sent hlut í fyr­ir­tæk­inu og er um þessar mundir lang­sam­lega rík­asti maður heims, en eignir hans eru metnar á tæp­lega 180 millj­arða Banda­ríkja­dala og munar þar lang­sam­lega mest um hluti hans í Amazon. 

Bezos stofn­aði Amazon upp­haf­lega sem bók­sölu á inter­net­inu, árið 1994, en frá 1997 hefur fyr­ir­tækið verið skráð á mark­að. Ekk­ert fyr­ir­tæki í sög­unni hefur vaxið jafn hratt og Amazon, hvort sem horft er til tekna eða mark­aðsvirð­is. 

Það er til marks um hversu hár verð­m­inn er á Amazon, að fyrir þá upp­hæð sem hann nem­ur, um 109 þús­und millj­arða, þá mætti kaupa allar fast­eignir á Íslandi tæp­lega 14 sinn­um, sé mið tekið af fast­eigna­mat­i.