Bjarni Bjarna­son, for­stjóri Orku­veitu Reykja­víkur og for­maður stjórnar Orku nátt­úr­unn­ar, mun ekki ræða frekar opin­ber­lega um starfs­lok starfs­fólks hjá Orku nátt­úr­unnar að svo stöddu. Þetta kemur fram í yfir­lýs­ingu frá honum í dag.

Fram kom í fréttum fyrir helgi að Bjarni Már Júl­í­us­son hefði verið rek­inn sem fram­kvæmda­stjóri Orku nátt­úr­unnar vegna óvið­eig­andi hegð­unar gagn­vart sam­starfs­fólki sínu.

Í yfir­lýs­ingu Bjarna kemur jafn­fram fram að honum hafi borið skylda til að skýra frá ástæðu starfs­loka fram­kvæmda­stjóra Orku nátt­úr­unn­ar. „Um opin­berar umræður um mál­efni ann­ars starfs­fólks en æðsta stjórn­anda gildir öðru máli. Óski starfs­maður að fara betur yfir skýr­ingar á ástæðum starfs­loka, stendur slíkt að sjálf­sögðu til boða,“ segir hann.

Áslaug Thelma Ein­­ar­s­dótt­ir, sem sagt var upp störf­um hjá Orku nátt­úr­unn­ar fyr­ir viku, tjáir sig um málið á Face­book í dag. Hún gagn­rýnir for­stjóra Orku­veit­unnar harð­lega og seg­ist ætlar að leita réttar síns af fullum þunga. Í stöðu­upp­færslu sinni fer hún ítar­lega yfir brott­rekstur sinn hjá ON, sem hún segir til­hæfu­lausan, og seg­ist hún reið og slegin vegna afgreiðsl­unnar á mál­inu öllu.

Berg­lind Rán tekur tíma­bundið við stöðu fram­kvæmda­stjóra

Ákveðið hefur verið að for­stöðu­maður fyr­ir­tækja­mark­aða ON, Berg­lind Rán Ólafs­dótt­ir, taki tíma­bundið við starfi fram­kvæmda­stjóra ON en ekki for­stöðu­maður tækni­þró­un­ar, eins og áður var til­kynnt. 

Berg­lind er sam­einda­líf­fræð­ingur með MBA próf frá IESE í Barcelona. Hún kom til starfa hjá Orku nátt­úr­unnar fyrir ári og hafði þá meira en ára­tug­ar­reynslu af við­skipta­þróun meðal ann­ars hjá Lands­virkj­un, Medis og Íslenskri erfða­grein­ingu.