Gagnrýnir Morgunblaðið fyrir að hampa pistli um ofbeldi og kvenfyrirlitningu

Áslaug Arna Sigurbjörnsdóttir segir að mögulega hafi gleymst „að spyrja ömm­ur okk­ar hvernig þær upp­lifðu þá tíma þegar strák­un­um fannst eðli­legt að skvetta í sig brenni­víni og reyna allt til að kom­ast í sleik.“

Áslaug Arna Sigurbjörnsdóttir er þingmaður Sjálfstæðisflokksins og ritari hans.
Áslaug Arna Sigurbjörnsdóttir er þingmaður Sjálfstæðisflokksins og ritari hans.
Auglýsing

Áslaug Arna Sig­ur­björns­dótt­ir, rit­ari og þing­maður Sjálf­stæð­is­flokks­ins, gagn­rýnir Morg­un­blaðið í aðsendri grein í blað­inu í dag, sem ber fyr­ir­sögn­ina „Að troða sér í sleik“, fyrir efni Stak­steina þess í gær.

Þar var end­ur­birtur pist­ill eftir Hall­dór Jóns­son, verk­fræð­ing og áhrifa­mann innan Sjálf­stæð­is­flokks­ins til ára­tuga, sem hann birti á Mogga­bloggi sínu og kallar „Dömu­frí“. Áslaug Arna segir í grein sinni að sér þyki „verra að sjá að þessum orðum var hampað á síðum Morg­un­blaðs­ins.“ Hún segir enn fremur að stærsti árangur #metoo-­bylt­ing­ar­innar hafi verið sú að þeir sem til­­eink­uðu sér ekki virð­ingu í sam­­skipt­um myndu að lok­um dæma sjálfa sig úr leik. „Það er óþarfi fyr­ir Morg­un­­blaðið að skipta þeim aft­ur inn á,“ segir Áslaug Arna.

„Trukka“ og kom­ast í sleik

Í umræddum pistli fjall­aði Hall­dór um ásak­anir sem settar hafa verið fram gagn­vart Brett Kavanagh, sem Don­ald Trump hefur til­nefnd sem næsta hæsta­rétt­ar­dóm­ara Banda­ríkj­anna, en Kavanagh hefur verið ásak­aður um að hafa beitt konu kyn­ferð­is­legu ofbeldi snemma á níunda ára­tugn­um. Hall­dór líkir ásök­unum hans við það þegar hann reyndi sjálfur reyndi að ving­­ast við stúlkur á dansæf­ingum í Mennta­­skól­­anum í Reykja­vík á sínum tíma. Í pistl­inum segir orð­rétt: „Þegar ég hugsa til baka hvernig maður hegð­aði sér á dansæf­ingum í MR. Búinn að tendra sig upp á brenn­i­víni og Camels­móki bauð maður stelp­unum upp og reyndi allt til að vanga þær og trukka og helst að kom­­ast í sleik,“ segir Hall­­dór í pistli sínum og bætir við. „Þessi hegðun myndi koma í veg fyrir að ég yrði sam­­þykktur í emb­ætti ef Trump myndi vilja hygla mér eins og Kawa­nough eða hvernig það er staf­að. Sá kall hegð­aði sér eitt­hvað svona á mennta­­skóla­­böllum fyrir einum þrjá­­tíu árum. Nú ætla demókrat­­arnir að nota það til að hindra að þessi dóni kom­ist í Hæsta­rétt Banda­­ríkj­anna.“

Auglýsing
Áslaug Arna segir í grein sinni að öðru hvoru rek­ist hún á fólk sem hafi svo gam­al­dags við­horf til sam­skipta kynj­anna að hún trúi varla að því sé alvara. „Sum­­ir reyna að rétt­læta ým­iss kon­ar ósæmi­­lega hegðun og rudda­­skap með þeim rök­um að þetta hafi nú ekki þótt mikið mál hérna einu sinni. Því miður snú­­ast slík­­ar rétt­læt­ing­ar oft­­ast um forn­eskju­­legt við­horf til kvenna.

Í fyrra­dag las ég stutt­an pist­il þar sem slík við­horf voru höfð í flimt­ing­­um. Mér þótti verra að sjá að þess­um orðum var hampað á síðum Morg­un­­blaðs­ins. Höf­und­ur pist­ils­ins hugs­ar til baka til þeirra tíma þegar það þótt sjálf­­sögð hegðun að „tendra sig upp á brenn­i­víni og Camel-s­mók“ og bjóða stelp­un­um upp og reyna „allt til að vanga þær og trukka og helst að kom­­ast í sleik“. Gefið er í skyn að svona hafi þetta bara verið og þar með eðli­­leg­t.“

Hefur ekk­ert með póli­tískan rétt­trúnað að gera

Áslaug Arna biður svo les­endur að velta því fyrir sér hvort þessi hegðun hafi nokkru sinni verið eðli­leg, jafn­vel þótt að hún hafi verið algeng á árum áður. „Að vísa í gamla tíma með rök­um um að svona hafi þetta verið rétt­læt­ir ekki of­beldi eða kven­­fyr­ir­litn­ingu. Það minn­ir aðeins á þá stað­reynd að á þeim tíma stigu brota­þolar ekki fram og sögðu ekki frá brot­um eða ósæmi­­legri hegðun í sinn garð.

Auglýsing
Hegðun sem er ekki í lagi í dag var held­ur ekki í lagi þá. Það hef­ur ekk­ert með póli­­tísk­an rétt­­trúnað að gera, held­ur al­­menna virð­ingu fyr­ir fólki. Að standa gegn kyn­­ferð­is­­brot­um hef­ur held­ur ekk­ert að gera með póli­­tísk­an rétt­­trún­að. Ég kæri mig lítið um að menn blandi dólgs­­legri hegðun í garð kvenna inn í umræðu um póli­­tísk­an rétt­­trúnað og saki þá sem ekki hlæja að göml­um grodd­ara­sög­unum um að hafa tapað sér í rétt­­trún­að­i.“

Gleymd­ist að spyrja ömm­urnar

Hún rifjar svo upp upp­haf #metoo-­bylt­ing­ar­innar í fyrra og pistil sem hún skrif­aði þá þar sem hún sagði að stærsti ár­ang­ur þeirr­ar umræðu sem nú hefði skap­­ast væri að þeir sem til­­eink­uðu sér ekki virð­ingu í sam­­skipt­um mundu að lok­um dæma sjálfa sig úr leik. Það er óþarfi fyr­ir Morg­un­­blaðið að skipta þeim aft­ur inn á.“

Þótt ein­hverjum kunni að finn­ast nóg komið af umræðu um #metoo þá sé sú bylt­ing komin til að vera. „Mög­u­­lega hef­ur gleymst að spyrja ömm­ur okk­ar hvernig þær upp­­lifðu þá tíma þegar strák­un­um fannst eðli­­legt að skvetta í sig brenn­i­víni og reyna allt til að kom­­ast í sleik.“

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Tæknivarpið
Tæknivarpið
Tæknivarpið – Framtíð 5G á Íslandi
Kjarninn 2. júlí 2020
Stilla úr auglýsingunni.
Ögrandi reiðhjólaauglýsing sem hnýtir í bílaframleiðendur bönnuð í Frakklandi
Auglýsing hollenska rafhjólaframleiðandans VanMoof fær ekki að birtast í frönsku sjónvarpi. Hún þykir koma óorði á bílaframleiðendur á ósanngjarnan hátt og valda kvíða hjá áhorfendum, sem er bannað þar í landi.
Kjarninn 1. júlí 2020
Gísli Sigurgeirsson
Ríkið á ekki að bjarga ferðaiðnaðinum
Kjarninn 1. júlí 2020
Víðir Reynisson, yfirlögregluþjónn hjá almannavarnadeild ríkislögreglustjóra.
Víðir: Glatað að þykjast sýna ábyrgð með því að kvarta
„En þetta mun auðvitað ekki virka ef við sýnum ekki ábyrgð,“ segir Víðir Reynisson yfirlögregluþjónn um framkvæmd hólfaskiptingar á samkomum fleiri en 500 manna sem margar kvartanir hafa borist vegna.
Kjarninn 1. júlí 2020
Þórólfur Guðnason sóttvarnalæknir.
Fólk búsett hér fari í sóttkví eftir komu til landsins
Þórólfur Guðnason sóttvarnalæknir vill að fólk búsett hér sem kemur til landsins fari áfram í sýnatöku við landamærin en fari svo í sóttkví. Því verði svo boðið upp á aðra sýnatöku eftir 4-5 daga. Hann mun leggja þetta vinnulag til við ráðherra.
Kjarninn 1. júlí 2020
Lagt er til í frumvarpsdrögum að stjórnarskrárbreytingum að forseti megi einungis sitja tvö sex ára kjörtímabil að hámarki.
Lagt til að forseti megi aðeins sitja í 12 ár á Bessastöðum
Forseti Íslands má ekki sitja lengur en tvö sex ára kjörtímabil að hámarki, verði frumvarpsdrög um stjórnarskrárbreytingar sem lögð hafa verið fram til kynningar fram að ganga. Lagt er til að mælt verði fyrir um þingræði í stjórnarskránni.
Kjarninn 1. júlí 2020
Stóru bankarnir reknir með tapi í tvö ár og virði útlána þeirra gæti rýrnað um 210 milljarða
Seðlabanki Íslands segir að kerfislega mikilvægu viðskiptabankarnir þrír séu með nægilega góða eiginfjár- og lausafjárstöðu til að geta staðist það álag sem muni fylgja yfirstandandi kreppu. Ljóst sé þó að þeir verði reknir í tapi á næstunni.
Kjarninn 1. júlí 2020
Ævar Pálmi Pálmason er yfirmaður smitrakningateymis almannavarna.
Ævar Pálmi: Búið að ná utan um hópsmitið
Yfirmaður smitrakningarteymis almannavarna segir að búið sé að ná utan um hópsmitið sem hér kom upp fyrir nokkrum dögum. Teymið telur sig hafa komið öllum sem þurfa í sóttkví, alls yfir 400 manns.
Kjarninn 1. júlí 2020
Meira úr sama flokkiInnlent