Orri Páll Dýra­son, trommari hljóm­sveit­ar­innar Sigur Rós, er hættur í hljóm­sveit­inni. Þetta kemur fram í stöðu­upp­færslu sem hann setur inn á Face­book.

Þar greinir Orri Páll frá því að ástæða þess að hann taki þessa ákvörðun sé sú að banda­rísk lista­kona ásak­aði hann um nauðgun á Instagram síðu sinni í lok síð­ustu viku. Þar sagði hún að hið meinta kyn­ferð­is­of­beldi hefði átt sér stað árið 2013. Orri Páll neitar ásök­unum henn­ar.

Í stöðu­upp­færslu hans segir meðal ann­ars: „Vegna umfangs þessa máls hef ég ákveðið að hætta í Sigur Rós. Sú ákvörðun er mér þung­bær, en ég get ekki látið þessar alvar­legu ásak­anir hafa áhrif á hljóm­sveit­ina og það mik­il­væga og fal­lega starf sem þar hefur verið unnið síð­ustu ár. Starf sem er mér svo kært.

Fram skal tekið að ég mun gera allt sem í mínu valdi stendur til að losa mig úr þess­ari martröð en af virð­ingu við raun­veru­lega þolendur ofbeldis mun ég þó ekki taka þann slag opin­ber­lega.“

Sigur Rós er ein þekktasta, ef ekki þekkasta hljóm­sveit lands­ins. Orri Páll hefur verið trommari sveit­ar­innar frá árinu 1999 og gekk því til liðs við hana skömmu eftir að hljóm­sveitin gaf út aðra plötu sína, Ágætis byrj­un. 

Hægt er að sjá stöðu­upp­færslu Orra Páls í heild sinni hér að neð­an: