Seðla­bank­inn í Kína hefur ákveðið að auka enn frekar við fjárinn­spýt­ingu á inn­an­lands­mark­aði, til að bregð­ast við tolla­stríð­inu við Banda­rík­in. Meðal þess sem gripið hefur verið til, er að liðka fyrir lánum banka og koma meira fjár­magni í umferð, einkum til að styðja við vöxt og við­gang fyr­ir­tækja, en þegar eru komin fram merki um að við­skipta­stríðið við Banda­ríkin - sem Don­ald Trump hefur nú gert að einu að grund­vall­ar­málum sínum í efna­hags­málum - muni hafa mikil áhrif í Kína. 

Bob Baur, aðal­hag­fræð­ingur PGI (Principal Global Invest­ing), lét hafa eftir sér í við­tali við Bloomberg um helg­ina, að Kín­verjar væru nú að reyna að halda vöxtum frekar í lægri kant­in­um, miðað við alþjóð­legt sam­hengi, og beita fjárinn­spýt­ingu inn á mark­að­inn, til að örva hag­kerfið heima fyr­ir. Hann sagði að þetta væri samt erfið staða fyrir Kína, þar sem miklar skuldir heima fyr­ir, bæði hjá heim­ilum og fyr­ir­tækj­um, væru áhyggju­efni og of mikil örvun fyrir hag­kerfið gæti skapað vanda­mál.

Óhætt er að segja að mik­ill upp­gangur hafi verið í kín­verska hag­kerf­inu á und­an­förnum tveimur ára­tug­um. Hag­vöxtur hefur verið á bil­inu 6 til 10 pró­sent á ári, í tvo ára­tugi. Í fyrra var hag­vöxt­ur­inn 6,9 pró­sent.

Rík­is­stjórn Trumps hefur nú þegar komið á tollum sem bein­ast að inn­flutn­ingi frá Kína, upp á 250 millj­arða Banda­ríkja­dala. Segja má að við­skipta­stríðið sem Trump hóf sé nú komið á næsta stig, þar sem toll­arnir - meðal ann­ars 10 til 25 pró­sent tollar á málm­inn­flutn­ing - eru farnir að hafa mikil áhrif á gang efna­hags­mála í heim­in­um. 

Efna­hags­stríð Banda­ríkj­anna og Kín­verja er líka sífellt að magn­ast upp á hinu póli­tíska sviði. Mike Pence, vara­for­seti Banda­ríkj­anna, segir Kín­verja vera að reyna að losa sig við Trump úr emb­ætti for­seta, meðal ann­ars með skipu­lögðum tölvu­árásum í aðdrag­anda kosn­inga í nóv­em­ber (mid term elect­ion). Á alls­herj­ar­þingi Sam­ein­uðu þjóð­anna sagði Trump sjálfur að Kín­verjar væru að beita sér gegn Banda­ríkj­un­um, og það yrði ekki lið­ið.