Þor­steinn Víglunds­son, þing­maður Við­reisnar og fyrr­ver­andi félags­mála­ráð­herra, segir Sig­ríði And­er­sen hætta sér út á hálan ís með full­yrð­ingum um að launa­munur kynj­anna sé innan við fimm pró­sent. Þó það sé rétt hjá henni að líta verði til ýmissa þátta þurfi líka að hafa í huga að þeir séu margir hverfir fjarri því að vera mál­efna­legir eða merki um jafn­rétti á vinnu­mark­aði.

Sig­ríður Á. And­er­sen, dóms­mála­ráð­herra, sagði í færslu á Face­book-síðu sinni í gær að ályktun um launa­mun kynj­anna sem fjallað var um í dag af til­efni kvenna­frí­dags­ins sé bein­línis röng. Hún segir að launa­munur kynj­anna sé í raun um 5 pró­sent sam­kvæmt tölum Hag­stof­unnar ef tekið er til­lit til ýmissa þátta á borð við vinnu, vinnu­tíma, mennt­un, reynslu eða manna­for­ráða. „Þessi kyn­bundni munur gefur þó ekki til­efni til að álykta nokkuð um kyn­bundið mis­rétti. Launa­kann­anir eru of tak­mark­aðar í eðli sínu til þess að slá nokkru föstu um það,“ segir dóms­mála­ráð­herra

Að lokum segir Sig­ríður í færslu sinni „Á degi sem þessum er ánægju­legt að líta til þess árang­urs sem konur og karlar hafa náð í jafn­rétt­is­bar­áttu ýmiss kon­ar,“ segir Sig­ríður enn frem­ur. „Það er mik­il­væg for­senda fram­fara í þeim efnum að umræða sé mál­efna­leg og fyr­ir­liggj­andi gögn ekki mistúlk­uð. Að lokum bendi ég á að í nefndri skýrslu vel­ferð­ar­ráðu­neytis kemur fram að ungar konur hjá hinu opin­bera séu með hærri tekjur en karlar á sama aldri. Þær mæta vænt­an­lega aðeins fyrr til vinnu í fyrra­mál­ið!“

Bendir á gler­þakið og verr laun­aðar kvenna­stéttir

Þor­steinn svarar færslu Sig­ríðar á Face­book-­síðu sinni að í launa­könnun Hag­stof­unnar sem Sig­ríður vísar til sé meðal ann­ars tekið til­lit til manna­for­ráða og ábyrgð­ar. Það sé nokkuð stór skýri­breyta, en konur séu um fimmt­ungur stjórn­enda á vinnu­mark­aði. Það sé ekki vegna lak­ari mennt­unar eða skorts á metn­aði, heldur vegna þess að þær búi við lak­ari fram­gang í starfi en karl­ar. Það sé það sem kallað er gler­þak og sá launa­munur sem af þessu stafi sé einmitt merki um skort á jafn­rétti á vinnu­mark­aði en ekki öfugt. Þor­steinn bendir einnig á að í sömu launa­könnun sé tekið til­lit til sam­búð­ar­stöðu og barna­fjölda. Það hefur jákvæð áhrif á laun karla að vera í sam­búð eða giftir og að eiga börn, en lítil sem engin og jafn­vel nei­kvæð áhrif á laun kvenna. „Held við hljótum flest hver að vera sam­mála um að það sé ekk­ert mál­efna­legt við þetta," segir Þor­steinn á Face­book.

Þá segir Þor­steinn að ekk­ert til­lit sé tekið til mats fólks á verð­mæti starfa. „Dæmi­gerðar kvenna­stétt­ir, svo sem kenn­ar­ar, hjúkr­un­ar­fræð­ingar ofl. eru t.d. að jafn­aði mun verr laun­aðar stéttir en fjöl­mennar karla­stéttir með sam­bæri­lega lengd mennt­unar og ábyrgð. Við getum alveg velt fyrir okkur hvort það sé t.d. verð­mæt­ara fyrir sam­fé­lag að miðla fjár­magni (banka­starfs­menn) eða þekk­ingu (kenn­ar­ar). Mik­ill launa­munur þarna á en senni­lega ættum við fáa vel mennt­aða starfs­menn í fjár­mála­geir­anum án góðra kenn­ara," segir Þor­steinn.

Að lokum segir Þor­steinn að það sé algjör óþarfi fyrir konur að mæta aðeins fyrr í vinn­una í dag, og svarar þar orðum Sig­ríðar um að konur í opin­bera geir­anum hljóti að mæta fyrr til vinnu í dag þar sem þær séu hærra laun­aðar en karl­ar. Þor­steinn segir konur löngu búnar að vinna fyrir þessum klukku­stundum á hverjum degi.