Banda­ríska leyni­þjón­ustan CIA telur krón­prins Sádí-­Ar­ab­íu, Mohammed bin Sal­man, hafa fyr­ir­skipað morðið á Jamal Khas­hoggi, pistla­höf­undi Was­hington Post, en hann var drep­inn af aftöku­sveit 3. októ­ber síð­ast­lið­inn í sendi­ráðs­bú­stað Sádí-­Ar­abíu í Ist­an­bul. 

Erdogan Tyrk­lands­for­seti hefur full­yrt að krón­prins­inn hafi fyr­ir­skipað morðið og banda­ríska leyni­þjón­ustan tekur undir þetta, sam­kvæmt fréttum Was­hington Post. 

Í Was­hington Post er full­yrt að CIA búi yfir upp­lýs­ingum sem sanni aðild krón­prins­ins að morð­inu, meðal ann­ars upp­tökur af sam­tali hans við bróðu sinn, Khalid bin Sal­man, sem er sendi­herra Sádí-­Ar­abíu gagn­vart Banda­ríkj­un­um. 

Sam­kvæmt frá­sögn Was­hington Post þá tal­aði Khalid við Khas­hoggi í síma og sagði honum að ná í gögn í sendi­ráðið í Ist­an­bul, sem hann þurfti til að geta gifst tyrk­neskri kær­ustu sinn­i. 

Fimmtán manna aftöku­sveit eru grunuð um að hafa fram­kvæmt morð­ið, en það er nú opin­ber­lega rann­sakað bæði í Tyrk­land og Sádí-­Ar­ab­íu. 

Í yfir­lýs­ingu frá sendi­ráði Sádí-­Ar­abíu í Was­hington er því harð­lega neitað að krón­prins­inn hafi átt þátt í morð­inu, og því er einnig neitað sendi­herr­ann hafi rætt við Khas­hoggi um að fara í sendi­ráðið í Ist­an­bul. 

Was­hington Post hefur fjallað ítar­lega um öll skref rann­sóknar í mál­inu. Khas­hoggi var gagn­rýn­andi stjórn­valda í Sádí-­Ar­abíu og skrif­aði meðal ann­ars pist­la, þar sem hann sagði stríðið í Jemen verða skammar­legt fyrir Sádí-­Ar­abíu og Banda­ríkin og að það þyrfti að stöðva.