Ásmundur endurgreiddi þinginu 178 þúsund krónur vegna ferða með tökufólki ÍNN

Þingmaður Sjálfstæðisflokks endurgreiddi kostnað sem hann hafði fengið endurgreiddan vegna ferða sem hann fór um kjördæmi sitt með tökufólki frá sjónvarpsstöðinni ÍNN, sem gerðu sjónvarpsþátt um ferðirnar.

Ásmundur Friðriksson, þingmaður Sjálfstæðisflokks.
Ásmundur Friðriksson, þingmaður Sjálfstæðisflokks.
Auglýsing

Ásmundur Frið­riks­son, þing­maður Sjálf­stæð­is­flokks, end­ur­greiddi skrif­stofu Alþingis 178 þús­und krónur vegna ferða sem honum hafði verið end­ur­greiddar á síð­asta ári. Þetta gerði hann vegna þess að honum hafi orðið það ljóst „að það gæti orkað tví­mælis að blanda saman ferðum mínum um kjör­dæmið og ferðum á sama tíma með töku­fólki ÍNN“.

Ás­mundur segir að hann hafi gert þetta að eigin frum­kvæði „til þess að eng­inn vafi léki á því að rétt væri að stað­ið, enda vil ég alltaf koma rétt og heið­ar­lega fram“.

Þetta er meðal þess sem fram kemur í bréfi Ásmundar til for­sætis­nefndar sem sent var 23. nóv­em­ber síð­ast­lið­inn.

Kjarn­inn greindi frá því fyrr í dag að for­sætis­nefnd Alþingis telur ekki skil­yrði til staðar fyrir því að fram fari almenn rann­sókn á end­ur­greiddum akst­urs­kostn­aði þing­manna. Þá hefur for­sætis­nefnd kom­ist að þeirri nið­ur­stöðu að sú athugum þegar hefur farið fram á end­ur­greiddum akst­urs­kostn­aði Ásmundar ásamt skýr­ingum Ásmundar á akstr­in­um, „leiði til þess að ekk­ert hafi komi fram sem gefi til kynna að hátt­erni hans hafi verið and­stætt siða­reglum fyrir alþing­is­menn“.

Auglýsing
Nefndin telur einnig að ekki hafi komið fram neinar upp­lýs­ingar eða gögn sem sýni að til staðar sé grunur um að refsi­verð hátt­semi hafi átt sér stað við fram settar kröfur um end­ur­greiðslur vegna akst­urs­kostn­aðar sem kæra beri sem meint brot til lög­reglu. Þetta kemur fram í svari for­sætis­nefndar við erindi Björns Levís Gunn­ars­son­ar, þing­manns Pírata. Undir það skrifar Stein­grímur J. Sig­fús­son, for­seti Alþing­is.

Taldi sig vera að slá tvær flugur í einu höggi

Í byrjun febr­­úar 2018 svar­aði for­­seti Alþing­is fyr­ir­­­spurn Björns Leví Gunn­­­ar­s­­­sonar, þing­­­manns Pírat­­­ar, um akst­­­ur­s­­­kostn­að. Í svari for­­­seta var greint frá því hversu háar greiðslur þeir tíu þing­­­menn sem fengu hæstu skatt­­lausu end­­­ur­greiðsl­­­urnar þáðu á síð­­­­­ustu fimm árum. Ekki var hins vegar greint frá nafni þeirra. Í töl­unum mátti þó sjá að fjórir þing­­menn sem þáðu hæstu end­­ur­greiðsl­­urnar fengu sam­tals 14 millj­­ónir króna, eða tæp­­lega helm­ing allra end­­ur­greiðslna vegna akst­­urs.

Skömmu síðar opin­ber­aði Ásmundur í við­tali að hann væri sá sem hefði þegið hæstu greiðsl­­urn­­ar. Upp­gef­inn akstur hans var 47.644 kíló­metrar á einu ári. Hann fékk alls 4,6 millj­ónir króna end­ur­greidd­ar, eða 385 þús­und krónur að með­al­tali á mán­uði, vegna keyrslu sinn­ar. Á meðal þess sem kom í ljós var að Ásmundur hafði fengið end­ur­greiðslur vegna ferða sem hann fór með töku­fólki af sjón­varps­stöð­inni ÍNN, sem var að taka upp sjón­varps­þætti um ferðir hans.

Auglýsing
Í bréfi Ásmundar segir að hann vilji upp­lýsa að eftir Kast­ljós­þátt á RÚV þann 14. febr­úar 2018 hafi honum orðið ljóst að það gæti orkað tví­mælis að blanda saman ferðum sínum um kjör­dæmið og ferðum á sama tíma með töku­fólki ÍNN. „Það er rétt að benda á að ég sem þing­maður þáði ekki laun sem þátta­stjórn­andi hjá ÍNN. Var ég þar í sömu stöðu og þing­menn allra flokka sem tóku að sér þátta­gerð hjá ÍNN á þessum tíma og þáðu ekki laun fyr­ir. Ákveðið var að þættir mínir væru teknir víða í kjör­dæmi mínu og ræddi ég við áhuga­verða við­mæl­end­ur, kynnti þá og kjör­dæmið í leið­inni. Ég leit þanngi á að ég væri að slá tvær flugur í einu höggi; nýta ferð í þágu þing­starfa til að vinna að þátta­gerð­inni sam­hliða.

Slíkt orkar tví­mæl­is. Vegna þess og að eigin frum­kvæði, greiddi ég því skrif­stofu Alþingis til baka þann 19. febr­úar sl. 178.000 kr. vegna ferða sem mér höfðu verið end­ur­greiddar til þess að eng­inn vafi léki á því að rétt væri að stað­ið, enda vil ég alltaf koma rétt og heið­ar­lega fram.“

Í nið­ur­lagi bréfs­ins segir Ásmundur að það sé rangt að halda því fram að hann fylgi ekki eða hafi ekki fylgt settum reglum þegar kæmi að ferða­kostn­aði vegna þing­starfa. „Það er sárt að sitja undir inni­halds­lausum ásök­unum um óheið­ar­leika. Síend­ur­teknar dylgjur af þv´itagi munu ekki koma í veg fyrir að ég haldi áfram að sinna starfi mínu sem þing­maður og halda trúnað við íbúa Suð­ur­kjör­dæm­is, eins og lands­ins alls.“

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Drífa Snædal er forseti ASÍ.
Ætlast til þess að samfélagslegir hagsmunir ráði för en ekki hagsmunir peningaaflanna
Forseti ASÍ segir fjölmörg verkefni sem stjórnvöld gáfu loforð um í tengslum við núgildandi kjarasamninga út af standa. Þá segir hún að „sumargjöf“ Icelandair til flugfreyja muni lita þau verkefni sem fram undan eru hjá verkalýðshreyfingunni.
Kjarninn 7. ágúst 2020
Víðir Reynisson, yfirlögregluþjónn hjá almannavarnadeild ríkislögreglustjóra.
„Það eina sem er alveg öruggt“ er að meiri útbreiðsla þýðir meira af alvarlegum veikindum
Vonbrigði. Áfall. Erfið staða. „Það er aldrei hægt að leggja of mikla áherslu á það að í þessari baráttu er veiran óvinurinn,“ sagði Víðir Reynisson yfirlögregluþjónn á upplýsingafundi þar sem okkur voru fluttar þungar fréttir.
Kjarninn 7. ágúst 2020
Þórólfur Guðnason sóttvarnalæknir.
Einn sjúklingur á gjörgæslu og í öndunarvél
Þórólfur Guðnason sóttvarnalæknir upplýsti um það á upplýsingafundi almannavarna í dag að einn sjúklingur liggur nú á gjörgæslu vegna COVID-19. Hann er á fertugsaldri og í öndunarvél.
Kjarninn 7. ágúst 2020
Víðir Reynisson, yfirlögregluþjónn hjá almannavarnadeild ríkislögreglustjóra.
Víðir: Faraldur skollinn á að nýju
Mögulega verða einhverjir lagðir inn vegna COVID-19. Annað hópsmitið hefur verið rakið til veitingastaðar í Reykjavík. Tæplega 50 manns eru í sóttkví í Vestmannaeyjum vegna smits sem greindist hjá einstaklingum sem þar voru um verslunarmannahelgina.
Kjarninn 7. ágúst 2020
Svandís Svavarsdóttir, heilbrigðisráðherra.
Ráðherra boðar til samráðs lykilaðila vegna COVID-19
Heilbrigðisráðherra hefur ákveðið að boða til samráðsvettvangs í formi vinnustofu þann 20. ágúst. Þar verður rætt hvernig móta megi aðgerðir og stefnu til lengri tíma litið með tilliti til faraldurs COVID-19.
Kjarninn 7. ágúst 2020
109 virk smit – 914 í sóttkví
Sautján ný innanlandssmit af kórónuveirunni greindust hér á landi í gær og þrjú í landamæraskimun. 109 manns eru nú með COVID-19 og í einangrun.
Kjarninn 7. ágúst 2020
Stórir lífeyrissjóðir hafa ekki farið vel út úr fjárfestingu í Icelandair
Aðkoma stærstu hluthafa Icelandair, sem hafa það hlutverk að ávaxta lífeyri landsmanna, að félaginu síðastliðinn áratug hefur ekki skilað mikilli arðsemi, og í tveimur tilfellum miklu tapi. Þessir sömu sjóðir munu á næstu dögum þurfa að taka ákvörðun.
Kjarninn 7. ágúst 2020
Eggert Þór Kristófersson er forstjóri Festi.
Festi ætlar að greiða út 657 milljóna króna arðinn í september
Festi hagnaðist um 525 milljónir króna á síðasta ársfjórðungi þrátt fyrir þær takmarkanir sem voru í gildi vegna COVID-19. Félagið frestaði arðgreiðslu vegna síðasta árs í apríl, en ætlar nú að greiða hana í næsta mánuði.
Kjarninn 7. ágúst 2020
Meira úr sama flokkiInnlent