Fræða­fólk við Rann­sókn­ar­setur Háskóla Íslands í fötl­un­ar­fræðum segir að Klaust­urs­málið og ummæli þing­manna sem þar voru séu þeim „áfall og þung­bært að verða vitni að þeim nið­ur­lægj­andi og for­dóma­fullu ummælum sem þar voru við­höfð um fatlað fólk, einkum fatl­aðar konur sem við virðum mik­ils og eigum náið og gott sam­starf við í bar­áttu fyrir mann­rétt­indum og mann­virð­ingu fatl­aðs fólks.“

Þetta kemur fram í bréfi sem fólkið sendi Stein­grími J. Sig­fús­syni, for­seta Alþing­is, í gær.

Þar segir enn fremur að þeir „djúp­stæðu for­dóm­ar, mann­fyr­ir­litn­ing, hroki og van­virð­ing sem þar birt­ast í garð fatl­aðs fólks og ann­arra jað­ar­setra hópa gerir það að verkum að við munum ekki taka þátt í sam­starfi við vel­ferð­ar­nefnd Alþingis á meðan að Anna Kol­brún Árna­dóttir á sæti í nefnd­inn­i.“

Undir bréfið skrifa Rann­veig Trausta­dótt­ir, pró­fessor og for­stöðu­maður Rann­sókn­ar­set­urs­ins, Hann Björg Sig­ur­jóns­dóttir pró­fess­or, James G. Rice lekt­or, Snæ­fríður Þóra Egils­son pró­fessor og Stefán C. Hardonk lekt­or. Afrit af bréfi þeirra var sent á alla full­trúa sem sæti eiga í vel­ferð­ar­nefnd.

Rannsóknarsetrið hefur haft umtals­verða aðkomu að störfum vel­ferð­ar­nefndar á und­an­förnum árum. Aðkoman felst aðal­lega í umsögnum um þings­á­lykt­un­ar­til­lög­ur, laga­frum­vörp, fram­kvæmda­á­ætl­anir og ýmis­legt fleira. Þá hafa full­trúar set­urs­ins margoft komið fyrir þing­nefnd­ir.

Kall­aði fatl­aða konu „Freyju eyju“

Anna Kol­brún Árna­dótt­ir er starf­andi þing­­flokks­­for­­maður Mið­­flokks­ins og einn sex­­menn­ing­anna sem var við­­stödd niðr­andi sam­ræður um stjórn­­­mála­­menn og annað nafn­­greint fólk á Klaust­ur­bar þann 20. nóv­em­ber.

Á upp­­­­­tökum af drykkju­fundi þing­­­mann­anna, sem til­­­heyra Mið­­­flokknum og Flokki fólks­ins, heyr­­­ast þeir gera grín að Freyju Har­alds­dótt­ur, fyrr­ver­andi vara­þing­manni og þekktri bar­áttu­konu fyrir bættum mann­rétt­indum fatl­aðs fólks, sem þjá­ist af sjald­­­­gæfum beina­­­­sjúk­­­­dómi. Anna Kol­brún kall­aði hana „Freyju eyju“ og Sig­­­mundur Davíð Gunn­laugs­­­son, for­­­maður Mið­­­flokks­ins og fyrr­ver­andi for­­­sæt­is­ráð­herra, gerði grín af því að tveir hinna mann­anna við borðið hefðu sér­­­stakan áhuga á Freyju og nafn­­­greindri þing­­­konu Sam­­­fylk­ing­­­ar­inn­­­ar. Ein­hver úr hópnum hermdi í kjöl­farið eftir sem hljómar eins og sels­hljóð.

Anna Kol­brún hefur þegar til­kynnt að hún ætli ekki að segja af sér þing­mennsku vegna máls­ins.

Stiklu úr við­tali við Freyju Har­alds­dóttur um málið í sjón­varps­þætt­inum 21 á Hring­braut má sjá hér að neð­an.