Japan mun segja sig úr Alþjóða hval­veiði­ráð­inu (IWC) og hefja hval­veiðar í atvinnu­skyni í jap­anskri lög­sögu næst­kom­andi sum­ar. Þetta kemur fram í frétt RÚV en tals­maður japönsku rík­is­stjórn­ar­innar stað­festir þetta í fjöl­miðlum eystra.

Form­leg ákvörðun um þetta var tekin á rík­is­stjórn­ar­fundi í morg­un. Úrsögnin tekur gildi 30. júní á næsta ári og dag­inn eftir er áætlað að hefja atvinnu­veiðar í jap­anskri lög­sögu. Um leið munu Jap­anir hætta öllum hval­veiðum í Suð­ur­-Ís­hafi og ann­ars staðar á suð­ur­hveli Jarð­ar, segir í frétt­inni.

Þá kemur fram að ákvörðun Jap­ana um að segja sig úr Alþjóða hval­veiði­ráð­inu komi ekki á óvart og hafi raunar legið í loft­inu síðan í sept­em­ber, þegar ráðið synj­aði umsókn þeirra um að fá að taka upp atvinnu­veiðar í eigin lög­sögu á ný.

„Hval­veiðar eiga sér alda­langa sögu í Jap­an. Sam­kvæmt þar­lendum hval­veiði­sam­tökum nær sú saga allt aftur til tólftu ald­ar, en skipu­lagðar hval­veiðar munu hafa byrjað þar snemma á sautj­ándu öld. Jap­anir gerð­ust aðilar að Alþjóða hval­veiði­ráð­inu 1951, í þann mund sem hval­veiðar þeirra voru að ná hámarki. Talið er að um eða yfir 2.000 hvalir hafi verið verk­aðir í stærstu hval­stöð lands­ins þegar mest var á sjötta og sjö­unda ára­tug síð­ustu ald­ar.

Mjög hefur dregið úr hvoru tveggja veiðum og neyslu Jap­ana á hval á síð­ustu árum og ára­tugum og nú er svo komið að meiri­hluti lands­manna borðar sjaldan eða aldrei hval­kjöt og neyslan komin niður í 5.000 tonn á ári í stað 200.000 tonna á sjö­unda ára­tugn­um,“ segir í frétt­inni.