Aukin umfjöllun um pen­inga­þvætti leiddi til þess að til­kynn­ingum til pen­inga­þvætt­is­skrif­stofu hér­aðs­sak­sókn­ara hefur fjölgað  um­tals­vert. Á árinu 2016 voru mót­teknar 655 slíkar til­kynn­ing­ar, árið 2017 voru þær 718 en á fyrstu átta mán­uðum árs­ins 2018 voru þær rúm­lega 800 tals­ins. 

Þetta kemur fram í grein­ar­gerð sem fylgdi með frum­varpi að nýjum heild­ar­lögum um aðgerðir gegn pen­inga­þvætti og fjár­mögnun hryðju­verka sem varð að lögum í byrjun árs 2019.

Ef til­kynn­ingar til pen­inga­þvætt­is­skrif­stof­unnar urðu jafn margar á síð­asta þriðj­ungi árs­ins og þær urðu á fyrstu átta mán­uðum þess þá má ætla að fjöldi til­kynn­inga hafi nálægt tvö­fald­ast frá árinu 2016.

Í grein­ar­gerð­inni kom fram að fjölgun til­kynn­inga hafa leitt til fleiri rann­sókna að hálfu lög­reglu og að fyr­ir­séð sé að mála­fjöldi muni halda áfram að aukast með auk­inni fræðslu og eft­ir­liti sem stefnt sé að.

Kjarn­inn greindi frá helstu breyt­ing­unum sem fylgja nýrri heild­ar­lög­gjöf um aðgerðir gegn pen­inga­þvætti og fjár­mögnun hryðju­verka í frétta­skýr­ingu í gær. Þar kom meðal ann­ars fram að í apríl 2018 hafi íslenskum stjórn­völdum verið gert það ljóst af sam­tök­unum Fin­ancial Act­ion Task Force (FATF) að annað hvort myndu þau taka sig til og inn­leiða almenni­legar varnir gegn pen­inga­þvætti og fjár­mögnun hryðju­verka eða landið myndi verða sett á lista alþjóð­legu sam­tak­ana Fin­ancial Act­ion Task Force (FATF) um ósam­vinnu­þýð ríki.

Í úttekt sam­tak­anna á stöðu mála Íslandi fengu varnir Íslands gegn pen­inga­þvætti fall­ein­kunn. íslandi var gefið fram á mitt ár 2019 til að bregð­ast við. Ef úrbætur yrðu ekki nægj­an­leg­ar, og Ísland færi á lista FATF yfir ósam­vinnu­þýð ríki myndi það, að mati inn­lendra hags­muna­að­ila, leiða til þess að orðstír og trú­verð­ug­leiki Íslands á alþjóða­vett­vangi biði veru­legan hnekki.

Ef Ísland yrði sett á slíkan lista myndi það einnig leiða til þess að gerðar yrðu strang­ari kröfur til lands­ins og aðila sem þar búa um hvers konar fjár­mála­starf­semi, stofnun úti­búa, dótt­ur­fé­laga og umboðs­skrif­stofa og jafn­vel útgáfu aðvar­ana um að við­skipti við íslenska aðila sem gætu falið í sér hættu á pen­inga­þvætti.

Starfs­hópur á vegum dóms­mála­ráð­herra var settur í að semja frum­varp um heild­ar­end­ur­skoðun á lögum um pen­inga­þvætti og hryðju­verka.

Sú vinna skil­aði því að Sig­ríður Á. And­er­sen dóms­mála­ráð­herra lagði fram frum­varp um ný heild­ar­lög 5. nóv­em­ber síð­ast­lið­inn.

Frum­varpið varð að lögum með öllum greiddum atkvæðum þing­manna þann sama dag. Þau tóku gildi á þriðju­dag, þann 1. jan­úar 2019.