Tæplega 25 þúsund manns standa utan trúfélaga

Enn fækkaði í þjóðkirkjunni á síðasta ári. Kaþólikkum hefur hins vegar fjölgað hratt samhliða fjölgun erlendra ríkisborgara hérlendis. En mesta aukningin er á meðal þeirra sem skrá sig utan trú- og lífskoðunarfélaga.

Sífellt fleiri Íslendingar velja að standa utan trú- og lífsskoðunarfélaga.
Sífellt fleiri Íslendingar velja að standa utan trú- og lífsskoðunarfélaga.
Auglýsing

Fjöldi þeirra íbúa á Íslandi sem skráðir eru utan trú- og lífs­­­skoð­un­­­ar­­­fé­laga hefur vel rúm­­­lega tvö­­­fald­­­ast frá því í byrjun árs 2009, eða á ára­tug. Þá voru þeir sem voru skráðir utan slíkra félaga 9.306 tals­ins. Um síð­­­­­ustu ára­­­mót var sú tala komin upp í 24.871. Á síð­asta ári einu saman fjölg­aði þeim sem skráðir eru utan trú- og lífs­skoð­un­ar­fé­laga um rúm­lega 2.300. Því er lang­mest aukn­ing á skrán­ingum hér­lendis á meðal þeirra sem skrá sig utan trú­fé­laga.

Þetta kemur fram í nýbirtum tölum Þjóð­skrár Íslands um skrán­ingar í trú- og lífs­skoð­un­ar­fé­lög.

Þann 1. jan­úar síð­ast­lið­inn voru alls 232.646 ein­stak­lingar skráðir í íslensku þjóð­kirkj­una. Þeim fækk­aði um 26 í jóla­mán­uð­in­um. Þjóð­kirkjan er áfram sem áður lang­fjöl­menn­asta trú­fé­lag lands­ins með 65,2 pró­sent lands­manna inn­an­borðs. Það þýðir því að 34,8 pró­sent þjóð­ar­innar er utan þjóð­kirkju, eða um 124.173 manns.

Auglýsing
Aldrei hafa verið fleiri lands­menn utan þjóð­kirkj­unn­ar, en frá árinu 2009 hefur með­limum hennar fækkað á hverju ári. Alls hefur þeim fækkað um 20.190 frá þeim tíma. Um ald­ar­mót voru rétt um 90 pró­sent allra lands­manna í þjóð­kirkj­unni.

Kaþ­ólikkum fjölgar hratt

Miklar breyt­ingar hafa einnig átt sér stað í öðrum trú- og lífs­skoð­un­ar­fé­lögum á und­an­förnum árum. Næst fjöl­menn­asta trú­fé­lag lands­ins er Kaþ­ólska kirkjan en í henni voru 13.991 manns um nýliðin ára­mót. Í byrjun árs 2009 voru 9.281 manns skráðir í hana. Þeim hefur því fjölgað um 73 pró­sent á tíu árum. Þessi aukn­ing hefur átt sér stað sam­hliða mik­illi fjölgun erlendra rík­is­borg­ara á Íslandi, en stærstu hóp­arnir sem hingað flytja koma frá löndum þar sem staða Kaþ­ólsku kirkj­unnar er sterk. Þar munar mest um Pól­verja, sem eru fjöl­menn­asta hóp erlendra rík­is­borg­ara sem búsettur er á Íslandi. Í byrjun árs 2009 bjuggu 11.611 slíkir á Íslandi en í byrjun des­em­ber 2018 var sá fjöldi kom­inn upp í 19.190.

Frí­kirkjur lands­ins hafa einnig bætt við söfn­uði sína á und­an­förnum árum. Frí­kirkjan í Reykja­vík telur nú 9.874 (aukn­ing um 25 pró­sent frá 2009) með­limi og Frí­kirkjan í Hafn­ar­firði 6.983 (aukn­ing um 33 pró­sent frá 2009).

Alls eru 4.472 íbúar lands­ins skráðir í Ása­trú­ar­fé­lag­inu. Fjöldi þeirra sem aðhyll­ast þá trú hefur marg­fald­ast á síð­ast­liðnum ára­tug, en með­limir voru alls 1.275 í byrjun árs 2009. Þeir hafa því 3,5fald­ast á tíma­bil­inu.

Mikil fjölgun hjá Sið­mennt en fækkar hratt hjá Zúistum

Sið­mennt, sem hefur verið skráð trú­fé­lag frá árinu 2013, hefur  einnig vaxið ásmegin ár frá ári. Í byrjun árs 2014 voru 612 ein­stak­lingar skráðir í líf­skoð­un­ar­fé­lagið en nú eru með­limir þess 2.840 tals­ins. Með­lima­fjöld­inn hefur því nálægt fimm­fald­ast á örfáum árum.

Auglýsing
Þeim sem skráðir eru í trú­­fé­lög múslima á Íslandi hefur einnig fjölgað mjög á und­an­­förnum árum. Árið 2009 voru 404 manns skráðir í Félag múslima á Íslandi. Í byrjun árs 2019 voru þeir orðnir 552 tals­ins en frá 2010 hafa verið tvö trú­­fé­lög múslima hér­­­lend­­is. Hitt, Menn­ing­­ar­­setur múslima, var með 393 með­­limi skráða í byrjun árs.

Það trú­fé­lag sem hefur vakið eina mesta athygli á und­an­förnum árum eru Zúist­ar. Þeir voru tveir árið 2014 en fjöldi þeirra rauk upp í rúm­­lega þrjú þús­und í byrjun árs 2016, eftir að hópur manna taldi sig hafa tekið yfir félagið og ætl­­aði að end­­ur­greiða fólki þau sókn­­ar­­gjöld sem inn­­heimt yrði vegna þeirra. Síðan stóð yfir ára­löng bar­átta milli þess hóps og þeirra aðila sem áður höfðu farið með yfir­­ráð í félags­­­skapn­­um. Sú bar­átta end­aði með sigri hinna síð­­­ar­­nefndu. Hratt hefur fjarað undan félag­inu síðan en skráðir með­limir nú eru 1.604 tals­ins.

Rakel Guðmundsdóttir
Sumt þarf að banna
Leslistinn 15. janúar 2019
Brexit-samningi May hafnað í breska þinginu
Næstu skref í Brexit-málinu eru óljós. Vantrausttillaga er líkleg.
Kjarninn 15. janúar 2019
Norski bankinn DNB hefur verið álitinn besti kosturinn
DNB bankinn norski, þar sem norska ríkið er stærsti eigandi, hefur þó nokkra stóra viðskiptavini hér á landi. Ef Íslandsbanki verður seldur þykir hann spennandi kostur sem kaupandi.
Kjarninn 15. janúar 2019
ÚR kærir ákvörðun Fiskistofu til ráðuneytis
Útgerðarfélag Reykjavíkur segir að allt verði gert til að hnekkja ákvörðun Fiskistofu.
Kjarninn 15. janúar 2019
Sara Dögg Svanhildardóttir
Birtir til í Garðabæ
Kjarninn 15. janúar 2019
Gylfi Arnbjörnsson, fyrrverandi forseti ASÍ.
Gylfi Arnbjörnsson sækir um stöðu ráðuneytisstjóra
Fyrrverandi forseti Alþýðusambands Íslands sækir um stöðu ráðuneytisstjóra í heilbrigðisráðuneytinu.
Kjarninn 15. janúar 2019
Mögu­leg­ar laga- og reglu­breyt­ing­ar ræddar á fundi for­sæt­is­nefnd­ar
Samkvæmt forseta Alþingis voru mögu­leg­ar laga- og reglu­breyt­ing­ar ræddar á fundi for­sæt­is­nefnd­ar í gær til þess að Klausturmálið kom­ist í far­veg. Sú umræða verður tek­in áfram á fundi þing­flokks­formanna í dag.
Kjarninn 15. janúar 2019
Karl Gauti Hjaltason, Inga Sæland og Ólafur Ísleifsson
Ríkisendurskoðandi tjáir sig ekki um fundinn við Ólaf og Karl Gauta
Ríkisendurskoðandi er trúnaðarmaður Alþingismanna og getur því ekki gefið upp hvort Ólafur Ísleifsson og Karl Gauti Hjaltason, fyrrverandi þingmenn Flokks fólksins, hafi átt fund með embættinu á síðasta ári um fjármálastjórnun Ingu Sæland.
Kjarninn 15. janúar 2019
Meira úr sama flokkiInnlent