Þjóðkirkjan fær 857 milljónir króna viðbótarframlag á fjáraukalögum

Ríkið greiðir þjóðkirkjunni hátt í milljarð króna til viðbótar við þá tæpu 4,6 milljarða sem þegar hafði verið ráðstafað til hennar á fjárlögum. Þingmaður Pírata segir að ríkið þyrfti að greiða laun 80 presta þó allir segðu sig úr þjóðkirkjunni.

Þjóðkirkjan er hluti af íslenska ríkinu. Þess vegna ganga Guðni Th. Jóhannesson, forseti Íslands, og Agnes M. Sigurðardóttir, biskup Íslands, hlið við hlið við þingsetningu.
Þjóðkirkjan er hluti af íslenska ríkinu. Þess vegna ganga Guðni Th. Jóhannesson, forseti Íslands, og Agnes M. Sigurðardóttir, biskup Íslands, hlið við hlið við þingsetningu.
Auglýsing

Í nýsam­þykktum fjár­auka­lögum vegna árs­ins 2018 var fjár­heim­ild til trú­mála hækkuð um 820 millj­ónir króna. Þessi hækkun skýrist ann­ars vegar af því að fram­lag til þjóð­kirkj­unnar  verður aukið um 857 millj­ónir króna og hins vegar lækka fram­lög vegna sókn­ar­gjalda um 37 millj­ónir króna vegna end­ur­mats á fjölda ein­stak­linga í skráðum trú­fé­lög­um.

Þetta fram­lag kemur til við­bótar því fjár­magni sem þegar hefur verið ráð­stafað til þjóð­kirkj­unnar á fjár­lög­um, en þaðan er greitt fram­lag til Bisk­ups Íslands, í Kirkju­mála­sjóð og Jöfn­un­ar­sjóð sókna.

Sam­tals er áætlað að þessi upp­­­hæð verði 2.830 millj­­­ónir króna í ár. Til við­­­bótar fær þjóð­­­kirkjan greidd sókn­­­ar­­­gjöld í sam­ræmi við þann fjölda sem í henni er. Ætla má að sú upp­­­hæð verði yfir 1,7 millj­­arðar króna í ár. Sam­tals kost­aði rekstur þjóð­kirkj­unnar því tæp­­­lega 4,6 millj­­­arða króna í ár áður en að við­bót­ar­fram­lagið var sam­þykkt. Það hækk­aði rík­is­fram­lagið um tæp 19 pró­sent.

Auglýsing
Þá er ekki með­­­talið rúm­­­lega 1,1 millj­­­arðs króna fram­lag til kirkju­­­garða.

Samn­ings­við­ræður milli ríkis og kirkju standa yfir

Fram­lagið til þjóð­kirkj­unnar er vegna hins svo­kall­aða kirkju­jarð­ar­sam­komu­lags milli ríkis og kirkju sem gert var 10. jan­úar 1997. Í því var samið um að kirkjan léti af hendi kirkju­jarðir að frá­töldum prests­setrum og að and­virði seldra kirkju­jarða rynni í rík­is­sjóð. Á móti mundi rík­is­sjóður greiða laun bisk­ups Íslands, vígslu­bisk­upa, 138 starf­andi presta og pró­fasta kirkj­unnar og 18 starfs­manna Bisk­ups­stofu, annan rekstr­ar­kostnað prests­emb­ætta og Bisk­ups­stofu, náms­leyfi, fæð­ing­ar­or­lof, veik­indi o.fl.

Til við­bótar skyldi ríkið greiða árlegt fram­lag í Kristni­sjóð sem svar­aði til 15 fastra árs­launa presta. Ef það fækk­aði eða fjölg­aði í þjóð­kirkj­unni skyldi fram­lag rík­is­ins lækka eða hækka eftir til­teknum við­miðum en þó aldrei niður fyrir til­tek­inn fjölda starfa. Þá skyldu laun og launa­tengd gjöld fyrr­greindra starfs­manna þjóð­kirkj­unnar vera sam­kvæmt úrskurðum kjara­ráðs.

Í frum­varpi til fjár­auka­laga segir að í kjöl­far banka­hruns­ins hafi orðið for­sendu­brestur í rík­is­fjár­málum og til að bregð­ast við því var óhjá­kvæmi­legt að gera umtals­verðar aðhalds­kröfur í rekstr­ar­út­gjöldum allra rík­is­stofn­ana og rekstr­ar­að­ila sem fjár­magn­aðir eru úr rík­is­sjóði.

„Í til­felli þjóð­kirkj­unnar var um sam­bæri­legar aðhalds­kröfur að ræða og gerðar voru í öðrum almennum rekstri hjá rík­inu. Í fjár­auka­lögum 2015, 2016 og 2017 voru sams­konar til­lögur sam­þykktar undir þeim for­merkjum að við­ræður mundu þegar hefj­ast við kirkj­una um end­ur­skoðun kirkju­jarða­sam­komu­lags­ins sem fæli þá í sér end­ur­skoðun allra fjár­hags­legra sam­skipta ríkis og kirkju, þ.m.t. hvað varðar sókn­ar­gjöld, jöfn­un­ar­sjóð sókna, fram­lög til kirkju­mála­sjóðs og Kristni­sjóðs, með mark­mið m.a. um veru­lega ein­földun þess­ara sam­skipta.“

Auglýsing
Samningaviðræður rík­is­ins við þjóð­kirkj­una standa yfir og er stefnt að því að þeim ljúki á fyrri hluta árs 2019.

Ríkið myndi greiða laun 80 presta þótt engin væri í þjóð­kirkj­unni

Björn Leví Gunn­ars­son, þing­maður Pírata, skil­aði inn minni­hluta­á­liti í fjár­laga­nefnd þar sem sér­stak­lega er fjallað um fram­lög rík­is­ins til þjóð­kirkj­unn­ar.

Þar bendir hann á að þeim sem skráðir séu í þjóð­kirkj­una hafi fækkað um rúm­lega tíu þús­und frá árinu 1998 og miðað við það ætti ríkið því að greiða laun 136 presta sam­kvæmt kirkju­jarða­sam­komu­lag­inu, en ekki 138.

Í áliti Björns Leví segir einnig: „Kirkju­jarða­sam­komu­lagið er hins vegar aug­ljós­lega mjög gallað þar sem engin tíma­tak­mörk eru sett á það hversu lengi ríkið á að greiða laun bisk­ups, presta og þess háttar sam­kvæmt sam­komu­lag­inu. Svör við fyr­ir­spurnum um það hvaða gæði ríkið fékk í stað­inn hafa verið ein­föld, ríkið veit það ekki. Það liggur í augum uppi að þetta sam­komu­lag er mjög slæmt fyrir ríkið og vafa­samt hvort það stenst lög um samn­ings­á­kvæði eða greinar stjórn­ar­skrár um fjár­heim­ild­ir. Miðað við þá fram­kvæmd sem hefur tíðkast, að sam­þykkja fjár­heim­ildir eftir á, má leiða rök að því að ef Alþingi sam­þykkir ekki þessa fjár­heim­ild þá sé Alþingi að rifta samn­ingn­um.“

Auglýsing
Björn Leví telur það vera ákjós­an­legt fyrir ríkið að láta á það reyna að rifta samn­ingnum og fá þá úr skorið fyrir dóm­stólum hvaða eignir og jarðir ríkið eign­að­ist vegna kirkju­jarða­sam­komu­lags­ins og hvert and­virði þeirra er. „Þá væri ein­fald­lega hægt að stilla því sam­an, hversu mikil laun hafa verið greidd vegna sam­komu­lags­ins, and­virði jarð­anna og hversu miklu mun­ar. Það getur ekki gengið að ríkið eigi að greiða til þjóð­kirkj­unnar út í hið óend­an­lega. Miðað við samn­ing­inn þyrfti ríkið meira að segja að greiða laun um 80 presta þó allir segðu sig úr þjóð­kirkj­unn­i.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Alls störfuðu um 130 manns hjá SaltPay hér á landi áður en til uppsagna dagsins kom.
Hópuppsögn hjá SaltPay
SaltPay segir upp tugum starfsmanna hér á landi í dag, aðallega starfsmönnum sem hafa starfað við að þróa og viðhalda eldra greiðslukerfi Borgunar. SaltPay keypti Borgun síðasta sumar.
Kjarninn 19. apríl 2021
Samfylking sé tilbúin með frumvarp sem skyldar komufarþega til að dvelja í sóttvarnahúsi
Formaður Samfylkingar spurði forsætisráðherra hvort til stæði að breyta sóttvarnalögum í óundirbúnum fyrirspurnatíma á Alþingi í dag. Ekki við núverandi fyrirkomulag að sakast að mati forsætisráðherra, heldur við þá sem fylgja ekki reglum.
Kjarninn 19. apríl 2021
Sigríður Ólafsdóttir verður í öðru sæti listans og Eiríkur Björn í því fyrsta.
Eiríkur Björn og Sigríður leiða Viðreisn í Norðausturkjördæmi
Fyrrverandi bæjarstjóri á Fljótsdalshéraði og Akureyri verður oddviti Viðreisnar í Norðausturkjördæmi í komandi kosningum.
Kjarninn 19. apríl 2021
Harpa opnaði árið 2011. Kostnaður við rekstur fasteignarinnar og uppsafnað viðhald er að skapa alvarlega stöðu.
„Alvarleg staða“ hjá Hörpu vegna skorts á fjármagni til að sinna viðhaldi
Alls hafa eigendur Hörpu, ríki og borg, lagt húsinu til 14,4 milljarða króna í formi greiðslna af lánum vegna byggingu þess og rekstrarframlaga. Í fyrra nam rekstrarframlag þeirra 728 milljónum króna. Mikill vandi framundan vegna uppsafnaðs viðhalds.
Kjarninn 19. apríl 2021
Víðir Reynisson, Þórólfur Guðnason og Alma Möller á upplýsingafundi dagsins.
44 smit um helgina – Breytingar orðið í niðurstöðum landamæraskimanna
„Atburðir helgarinnar eru vissulega vonbrigði og við höfum fengið nú staðfest svo um munar að breska afbrigðið er til staðar í samfélaginu,“ segir Alma Möller landlæknir.
Kjarninn 19. apríl 2021
Styrkir til að hjálpa fyrirtækjum í ferðaþjónustu að rifta ráðningarsambandi við starfsfólk sitt hafa staðið til boða frá því í maí 2020.
Fyrirtæki tengd Icelandair Group hafa fengið 4,7 milljarða króna í uppsagnarstyrki
Alls hafa 17 fyrirtæki hafa fengið meira en 100 milljónir króna í uppsagnarstyrki úr ríkissjóði frá því í maí í fyrra. Næstum 40 prósent upphæðarinnar hafa farið til fyrirtækja sem tengjast Icelandair Group.
Kjarninn 19. apríl 2021
Á þriðja tug smita greindust í gær
Í fyrsta sinn frá því í nóvember 2020 greindust fleiri en 20 COVID-19 smit á Íslandi á einum degi. Fjöldinn sem greindist í gær er meiri en sá sem greindist síðast þegar aðgerðir voru hertar.
Kjarninn 19. apríl 2021
Eiríkur Ragnarsson
Hvaða frelsi er yndislegt?
Kjarninn 19. apríl 2021
Meira eftir höfundinnÞórður Snær Júlíusson
Meira úr sama flokkiFréttaskýringar