Gunnar Bragi Sveins­son, vara­for­maður Mið­flokks­ins, mun snúa aftur til þing­starfa í dag. Frá þessu greinir hann í til­kynn­ingu. Hann segir að stundum sé ákvarð­anir teknar fyrir menn. „Fremur óvænt – en samt ekki - blasir svarið við því hvenær rétt sé að snúa til baka. Fyrstu dagar þing­funda á nýju ári, og fram­ganga for­seta Alþingis að und­an­förnu, er með þeim hætti að annað er óhjá­kvæmi­legt en að nýta sér allan rétt til þess að vera inni á þeim leik­velli þar sem að mér er sótt og svara fyrir mig á þeim vett­vangi en ekki utan hans. Þess vegna mæti ég á nýjan leik til starfa minna á Alþingi í dag.“

Í til­kynn­ing­unni segir hann að í kjöl­far „óvið­eig­andi og sær­andi orða og ólög­mætrar upp­töku á þeim þá tók ég þá ákvörðun að taka mér launa­laust leyfi frá þing­störfum eftir að hler­un­ar­málið umtal­aða komst í hámæli. Ég vildi skoða hug minn, safna kröftum og ræða síðan við bak­land mitt. Ég iðr­ast og hef beðist fyr­ir­gefn­ingar á orðum mínum og geri það enn á ný.

Ég hef leitað ráð­gjafar og um leið notið mik­ils skiln­ings og stuðn­ings ætt­ingja, vina og félaga innan flokks og utan. Þakka ég þeim hvatn­ing­una og traust­ið.“

Gunnar Bragi segir að Mið­flokk­ur­inn hafi gefið sér það svig­rúm sem hann hafi óskað eftir og hvorki hvatt né latt sig til að flýta end­ur­komu. „Vel má skilja það hlut­leysi sem vís­bend­ingu um að hvorki ég né aðrir væru ómissandi fyrir flokk­inn og undir það tek ég heils­hug­ar. Ég var á hinn bóg­inn kos­inn til starfa á Alþingi af fjölda fólks og gagn­vart því ber ég ríkar skyld­ur. Þær vildi ég að sjálf­sögðu rækja á nýjan leik í fyll­ingu tím­ans. Þakka ég þeim fjöl­mörgu stuðn­ings­mönnum sem hafa sett sig í sam­band við mig og minnt mig á þessar skyldur mínar og hvatt mig til starfa.“

Ástæða þess að Gunnar Bragi fór í leyfi er Klaust­ur­málið svo­kall­aða. Það snýst um það þegar sam­­töl fjög­­urra þing­­manna Mið­­flokks­ins, þar með talin öll stjórn hans, og tveggja þing­­manna Flokks fólks­ins voru tekin upp. Í sam­­töl­unum var fjöl­­mörgum stjórn­­­mála­­mönnum og ýmsum öðrum nafn­­greindum ein­stak­l­ingum úthúðað með niðr­andi orða­lagi. Tveir þing­­menn Mið­­flokks­ins, Gunnar Bragi Sveins­­son og Berg­þór Óla­­son, voru í kjöl­farið sendir í leyfi en hinir tveir, Sig­­mundur Davíð Gunn­laugs­­son og Anna Kol­brún Árna­dótt­ir, sögðu fljótt að þeir ætl­­auðu ekki að segja af sér.

Hinir tveir þing­­menn­irnir sem voru á Klaustri, Ólafur Ísleifs­­son og Karl Gauti Hjalta­­son, voru reknir úr Flokki fólks­ins og sitja nú sem óháð­­ir. Þeir ætla heldur ekki að segja af sér þing­­mennsku.

Berg­þór ætlar líka að snúa til baka

Sig­­mundur Davíð Gunn­laugs­­son og Anna Kol­brún Árna­dótt­ir, sögðu fljótt að þeir ætl­­uðu ekki að segja af sér.

Berg­þór Óla­­son greindi frá því í morgun að hann ætli að halda áfram að starfa sem þing­­mað­­ur. Hann mun því snúa aftur til starfa innan tíð­­ar. Þetta kom fram í grein sem hann skrifar í Morg­un­­blaðið í dag.

Þar fór hann yfir Klaust­­ur­­málið svo­­kall­aða og eft­ir­­mála þess. Berg­þór sagði margt hafa komið illi­­lega við sig í mál­inu. „Mér fannst vond þróun að legið væri á hleri þegar annað fólk talar saman á veit­inga­hús­­um. Mér fannst vont að fjöl­miðlar teldu sjálf­­sagt að birta slíkt drykkju­raus opin­ber­­lega og eig­in­­lega enn verra hversu margir voru ánægðir með hvorttveggja. En verst af öllu fannst mér að heyra í sjálfum mér.“

Hægt er að lesa umfjöllun um grein Berg­þórs hér.