Skrifstofa eigna og atvinnuþróunar lögð niður

Skrifstofa eigna og atvinnuþróunar, fjármálaskrifstofa og skrifstofa þjónustu og reksturs verða lagðar niður þann 1. júní næstkomandi.

Ráðhús Reykjavíkur
Ráðhús Reykjavíkur
Auglýsing

Skrif­stofa eigna og atvinnu­þró­un­ar, fjár­mála­skrif­stofa og skrif­stofa þjón­ustu og rekst­urs verða lagðar niður þann 1. júní næst­kom­andi. Þetta kemur fram í til­kynn­ingu frá Reykja­vík­ur­borg í dag.

Til­laga for­manns borg­ar­ráðs, Þor­dísar Lóu Þór­halls­dótt­ur, um stjórn­sýslu­breyt­ingar hjá Reykja­vík­ur­borg voru sam­þykktar í borg­ar­ráði í dag. Breyt­ing­arnar sem taka gildi 1. júní næst­kom­andi hafa það að meg­in­mark­miði að ein­falda, skýra og skerpa stjórn­ar­hætti og bæta þjón­ustu við borg­ar­búa, sam­kvæmt Reykja­vík­ur­borg. 

Til verða þrjú ný kjarna­svið, svið þjón­ustu og nýsköp­un­ar, svið mannauðs og starfs­um­hverfis og svið fjár­mála og áhættu­stýr­ing­ar.

Auglýsing

Í til­kynn­ing­unni kemur fram að inn­kaupa­ráð fái aukið hlut­verk auk þess sem starf reglu­varðar Reykja­vík­ur­borgar verði eflt. Með þessum breyt­ingum sé lögð áhersla á vand­aða, skil­virka fram­kvæmd og ákvarð­ana­töku ásamt skipu­legu og skýru eft­ir­liti.

Skrif­stofa eigna og atvinnu­þró­unar hefur farið með mál­efni eigna­sjóðs Reykja­vík­ur­borgar jafn­framt því að vinna að verk­efnum á sviði atvinnu­þró­un­ar. Á vef­síðu Reykja­vík­ur­borgar kemur fram að skrif­stofu­stjór­inn sé Óli Jón Hertervig og heyri skrif­stofan undir emb­ætti borg­ar­rit­ara.

Skrif­stofan hefur verið í sviðs­ljós­inu und­an­far­ið, meðal ann­ars vegna aðkomu að fram­kvæmdum við end­ur­bygg­ingu á bygg­ing­unum við Naut­hóls­veg 100. Skrif­stofan sætti harðri gagn­rýni í skýrslu innri end­ur­skoð­unar Reykja­vík­ur­borgar sem birt var í des­em­ber síð­ast­liðn­um.

Þar komst innri end­ur­skoðun að því að skrif­stofa eigna og atvinnu­þró­unar hefði verið setta á „eins konar sjálf­stýr­ingu“ sem hefði bitnað á innra eft­ir­liti og verk­lagi skrif­stof­unn­ar. Þá var Hrólfur Jóns­son, þáver­andi skrif­stofu­stjóri, ekki sagður hafa fylgst með verk­efnum skrif­stof­unnar og ekki gefið upp­lýs­ingar um stöðu mála. Enn fremur hefði Hrólfur verið í miklum sam­skiptum við borg­ar­stjóra en ekki við sinn næsta yfir­mann sam­kvæmt skipu­riti, sem er borg­ar­rit­ari.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiInnlent