Mið­stjórn ASÍ lýsir veru­legum von­brigðum með þau áform um breyt­ingar á skatt­kerf­inu sem fjár­mála­ráð­herra kynnti í gær. Frá þessu er greint í frétta­til­kynn­ingu sem sam­bandið sendi frá sér í dag. 

„Til­lög­urnar mæta engan veg­inn kröfum verka­lýðs­hreyf­ing­ar­innar um tekju­jöfn­un­ar- og tekju­öfl­un­ar­hlut­verk skatt­kerf­is­ins og geta að óbreyttu ekki orðið grund­völlur sátta í sam­fé­lag­in­u. ­Til­lög­urnar byggja á því að létta skatt­byrði allra tekju­hópa og auka ráð­stöf­un­ar­tekjur lág­launa­fólks og banka­stjóra um sömu krónu­tölu. Stór hluti af því „svig­rúmi“ sem fjár­mála­ráð­herra telur til skatta­lækk­ana er þannig nýtt til að lækka skatta á tekju­hæstu hópana þvert gegn því sem kallað er eftir í sam­fé­lag­in­u,“ segir í til­kynn­ing­unn­i. 

Enn fremur kemur fram að engin áform sé að sjá um að auka eigi stuðn­ing við barna­fjöl­skyldur og end­ur­reisa vaxta­bóta­kerfið og full ástæða sé til að ótt­ast að stór hluti skatta­lækk­un­ar­innar verði tekin aftur með enn frek­ari tekju­skerð­ingum í barna- og vaxta­bóta­kerf­inu.

„­Stjórn­völd virð­ast ekki ætla að styrkja aðra tekju­stofna rík­is­ins sam­hliða breyt­ing­unni s.s. með upp­töku hátekju­skatts, auð­legð­ar­skatti, hækkun fjár­magnstekju­skatts eða afgjaldi fyrir auð­linda­nýt­ingu. Breyt­ingin mun því þýða að minna verður til ráð­stöf­unar til brýnna úrbóta, t.d. í vel­ferð­ar­kerf­inu og í sam­göngu­mál­um.

Launa­fólk mun aldrei sætta sig við skatt­kerf­is­breyt­ingar sem það borgar sjálft fyrir með veik­ara vel­ferð­ar­kerfi, verri innviðum og auknum nef­skött­um. Slík stefna hefur verið við­höfð um langt skeið og kemur alltaf verst niður á þeim tekju­lægstu. Launa­fólk vill sann­gjarnt skatt­kerfi sem eykur jöfnuð og fjár­magnar vel­ferð,“ segir í til­kynn­ing­unn­i.