„Í kvöld var dyra­bjöll­unni hringt heima hjá mér og mér fært stórt papp­írs­um­slag með nafn­inu mínu hand­skrif­uðu á. Glaðn­ing­ur­inn reynd­ist svo vera hótun um lög­sókn frá starfs­manna­leig­unni Mönnum í vinnu. Þar eru talin upp ýmis ummæli sem ég hef látið falla í fjöl­miðlum um starf­semi fyr­ir­tæk­is­ins. Ég er kraf­inn um afsök­un­ar­beiðni og 1.000.000 í skaða­bæt­ur.“

Frá þessu greinir Viðar Þor­steins­son, fram­kvæmda­stjóri stétt­ar­fé­lags­ins Efl­ing­ar, á Face­book síðu sinn­i. 

Starfs­manna­leigan Menn í vinnu hefur verið ítrekað til umfjöll­unar í fjöl­miðl­um, bæði í frétta­skýr­inga­þætt­inum Kveiki á RÚV sem og í öðrum fjöl­miðl­um, og hafa starfs­menn þar kvartað undan aðstæð­um, launum og hvernig staðið hefur verið að málum gagn­vart þeim. 

Á vef Efl­ingar var fyr­ir­tækið gert að umtals­efni 8. febr­ú­ar, og segir þar meðal ann­ars að Efl­ing hafi gögn undir höndum sem sýni að ekki sé verið að fara að settum lögum og reglum gagn­vart starfs­fólki. 

Í umfjöll­un­inni á vef Efl­ingar segir meðal ann­ar­s: 

„Í fréttum í gær var sagt frá ömur­legum aðstæðum fólks hjá starfs­manna­leig­unni Menn í vinnu. Tugir starfs­manna frá Rúm­eníu hír­ast í her­bergj­um, allt að tíu sam­an, en borga þó fimm­tíu þús­und krónur á mán­uði fyr­ir. Í ráðn­ing­ar­samn­ingi frá fyr­ir­tæk­inu sem Efl­ing-­stétt­ar­fé­lag hefur undir höndum er klausa sem segir að und­ir­rit­aður skuldi leigu sem Menn í vinnu megi draga frá laun­um, án þess að upp­hæð eða nokk­urs konar leigu­vernd sé til­tek­in.

Efl­ing hefur lengi beitt sér gegn marg­ít­rek­uðum brot á kjara­samn­ing­um, sem framin eru í skjóli óljósra samn­inga, útleigu á starfs­fólki og skorts á sekt­ar­heim­ild­um. Kröfu­gerð Efl­ing­ar, sem samin var af almennum félags­mönnum í haust, benti á mörg úrræði og hafa þau verið rædd við Sam­tök atvinnu­lífs­ins í yfir­stand­andi kjara­við­ræð­um. Í kröfu­gerð er þess meðal ann­ars kraf­ist að heim­ilt sé að inn­heima sektir vegna alvar­legra brota á kjara­samn­ing­i.“

„Þessi fyr­ir­tæki fara út í svona ótrú­lega ósvífni meðal ann­ars vegna þess Efl­ing hefur staðið sig ágæt­lega í að sækja mál á hendur þeim. Efl­ing knúði stóra starfs­manna­leigu í gjald­þrot með met­fjölda launa­krafna – átta­tíu launa­kröfur – í maí á síð­asta ári. Núna koma sömu aðilar til baka eins og stökk­breyttur vírus undir nýjum kenni­töl­um. Núna gera þau þetta nán­ast rétt á papp­írn­um, gefa kannski út réttan launa­seð­il, en hafa fundið nýjar leiðir til að féfletta fólkið fram­hjá lögum og regl­u­m,“ er meðal ann­ars haft eftir Við­ari á vef Efl­ing­ar.