Tækniris­inn Amazon er með mikla inn­reið á versl­ana­markað í und­ir­bún­ingi sam­kvæmt umfjöllun sem Wall Street Journal birti í gær og fleiri erlendir miðlar tóku upp í kjöl­far­ið.

Amazon hyggst opna versl­anir vítt og breitt um Banda­ríkin og verða fyrstu versl­an­irnar opn­aðar á í Los Ang­el­es. Versl­an­irnar verða hefð­bundnir stór­mark­aðir en tækni­legir inn­viðir verða byggðir á bún­aði sem Amazon hefur þró­að, meðal ann­ars sjálf­virkum lag­erum og sjálf­virku afgreiðslu­kerf­i. 

Amazon hefur á und­an­förnum árum unnið að þróun hug­bún­að­ar- og tækni­lausna fyrir smá­sölu­versl­anir sem meðal ann­ars byggir á skynj­urum í lofti bún­aða, sem tengdir eru við app í símum þeirra sem versla í búð­un­um. Með því móti geta við­skipta­vinir gengið inn, náð í vörur og farið út aft­ur, án þess að þurfa að fara með vör­urnar í gegnum sjálfs­af­greiðslu­kerfi eða stoppa á búð­ar­kassa. 

Þessar lausnir hafa gengið undir nafn­inu Amazon Go og er Amazon nú sagt vera að und­ir­búa opnun á um 3 þús­und slíkum versl­un­um, en þeir verða skipu­lagðar í anda versl­ana eins og 7/11, eða álíka versl­an­ir.

Eftir að Amazon keypti Whole Foods versl­ana­keðj­una hefur fyr­ir­tækið meðal ann­ars stigið stór skref í að tengja vild­ar­kjara­kerfi not­enda sinna, Amazon Pri­me, við afslátt­ar­kerfi Whole Foods, en um 130 millj­ónir manna eru nú með Amazon Prime áskrift, en hún færir notandum fasta afslætti.

Sam­tals eru 479 Whole Foods versl­anir og hefur þeim fjölgað nokkuð hratt und­an­farin miss­er­i. 

Mark­aðsvirði Amazon nemur nú 821 millj­arði Banda­ríkja­dala, eða sem nemur um 98 þús­und millj­örðum króna.