Bresti fjár­fest­ing­ar­stjóð­ur­inn Actis hefur tvö­faldað hlut sinn í Credit­info Group úr 10 pró­sentum í 20 pró­sent. Í frétta­til­kynn­ingu frá félag­inu segir að Actis sé leið­andi fjár­festir í Asíu, Afr­íku og Rómönsku-Am­er­íku á sviði áhættu­stýr­ing­ar, miðl­unar fjár­hags­upp­lýs­inga og staf­rænna lausna. Fjár­fest­ingin eigi að fara í að fjár­magna alþjóð­legan vöxt og vöru­þróun Credit­in­fo.

Ali Mazand­erani og Sig­rún Ragna Ólafs­dóttir taka sæti í stjórn félags­ins

Actis stýrði áður 10 pró­sent hlut í Credit­info Group í gegn um fjár­fest­ingu sína í Credit Services Hold­ings ásamt fleiri fjár­fest­um. Með þess­ari fjár­fest­ingu tekur Ali Mazand­er­ani, með­eig­andi hjá Actis sæti í stjórn félags­ins. Sig­rún Ragna Ólafs­dóttir tekur jafn­framt sæti í stjórn félags­ins á ný en hún situr einnig í stjórn Credit­info Láns­traust hf. á Íslandi. Fyrir eru í stjórn Credit­info Group þau Reynir Grét­ars­son stjórn­ar­for­mað­ur, Nora Kerppola og Hákon Stef­áns­son.

Credit­info Group var stofnað á Íslandi árið 1997 og hefur félagið nú opnað yfir 30 starfs­stöðvar í fjórum heims­álfum Félagið hefur að geyma láns­hæfis upp­lýs­ingar ríf­lega 200 milljón ein­stak­linga og 2 millj­ónir fyr­ir­tækja í 32 löndum um allan heim. Í til­kynn­ingu frá félag­inu segir að hröð upp­bygg­ing félags­ins hafi falist í því að hefja starf­semi á jað­ar­mörk­uðum þar sem fjár­hags- og við­skipta­upp­lýs­ingar eru að skornum skammti og því erfitt að meta láns­hæfi aðila í við­skipt­um. Mark­miðið sé að auka fjár­hags­lega þátt­töku minni og með­al­stórra fyr­ir­tækja og ein­stak­linga og skapa þannig auk­inn hag­vöxt á hverju svæði fyrir sig. Meðal sam­starfs­að­ila Credit­info er Alþjóða­bank­inn, IFC, Millennium Chal­lenge Cor­poration, og fleiri alþjóða­stofn­an­ir.

 Hlakkar til frek­ari vaxt­ar 

Reynir Grét­ars­son, stjórn­ar­for­mað­ur, stofn­andi og meiri­hluta­eig­andi Credit­info Group, segir fjár­fest­ingu Actis koma til með að efla starf­semi félags­ins og við­skipta­á­ætl­anir fyr­ir­tæk­is­ins á alþjóða­vís­u. „Við höldum áfram að útvíkka á mörk­uðum þar sem tækni okkar og lausnir stuðla að upp­bygg­ingu fjár­mála­mark­aða. Við munum vinna áfram í nánu sam­starfi við Actis og hlökkum til frek­ari vaxtar með sam­starfs­að­ila sem deilir gildum okkar og mark­mið­u­m,“ segir Reynir í til­kynn­ing­unni.