Neðri deild breska þings­ins sam­þykkti í gær til­lögu um að óska eftir að útgöngu Bret­lands úr Evr­ópu­sam­band­inu yrði frestað. ­Út­göngu­dagur Breta er settur 29. mars næst­kom­andi. Ther­es­a May, for­sæt­is­ráð­herra Bret­lands mun því í þriðja sinna leggja útgöngu­samn­ing fyrir breska þingið á næstu dögum og í kjöl­farið óska eftir frest­un. Frá þessu er greint á vef BBC.

Sam­þykktu að hafna samn­ings­lausri útgöngu

Á þriðju­dag­inn hafn­aði breska þingið í annað sinn Brex­it-­samn­ing Ther­esu May um hvernig útgöngu Breta úr Evr­ópu­sam­band­inu ætti að vera hátt­að. Á mið­viku­dag­inn lagð­i Ma­y ­síðan fram til­lögu um að þingið hafn­aði útgöngu úr Evr­ópu­sam­band­inu án samn­ings þann 29. mar­s næst­kom­andi en héldi opnum þeim mögu­leika að Bret­land gengi úr sam­band­inu án samn­ings síð­ar. 

Áður en kosið var um til­lögu May sam­þykkti þingið breyt­ing­ar­til­lögu um að hafna því að Bret­land gengi nokkurn tíma úr Evr­ópu­sam­band­inu án samn­ings. Sú breyt­ing­ar­til­lagan var síðan sam­þykkt af þing­inu með 43 atkvæðum en sam­kvæmt umfjöll­un BBC er það er þó ekki laga­lega bind­andi kosn­ing. ­For­sæt­is­ráð­herr­ann lagði áherslu á það eftir atkvæða­greiðsl­una og sagði að sam­kvæmt gild­andi lögum Bret­lands og Evr­ópu­sam­bands­ins gengi landið úr ESB án samn­ings „nema eitt­hvað annað yrði ákveð­ið“. 

Í gær sam­þykkti síðan neðri deild þings­ins til­lögu um að leita á náðir Evr­ópu­sam­bands­ins um frestun útgöng­u. ­Til­lagan var sam­þykkt með 412 atkvæðum gegn 202.  

Þriðja atkvæða­greiðslan um samn­ing í næstu viku

Þó að þingið hafi nú tvisvar kol­fellt Brex­it-­samn­ing for­sæt­is­ráð­herr­ans þá boð­ar­ Ma­y ­þriðju atkvæða­greiðsl­una um nýjan samn­ing í næstu viku. Sam­kvæmt BBC vill hún leggja nýjan samn­ing fyrir þingið sem fyrst til að að freista þess að þurfa ekki að fresta útgöngu enn frek­ar. May segir að ef þing­deildin sam­þykki samn­ing­inn eigi síðar en á mið­viku­dag­inn kemur ætli hún að óska eftir því að útgöng­unni verði frestað til 30. júní næst­kom­andi. Ef þingið fellur hins vegar samn­ing­inn þarf rík­is­stjórnin að fara fram á að fresta útgöng­unni til lengri tíma. Ma­y var­aði því þing­heim­inn við í gær að ef samn­ing­ur­inn er ekki sam­þykktur í næstu viku, þá gætu Bretar þurft að taka þátt í kosn­ingum til Evr­ópu­þings­ins sem eiga að fara fram í maí. 

Öll hin aðild­ar­ríki Evr­ópu­sam­bans­ins þurfa það sam­þykkja beiðni Bret­lands um að fresta útgöng­unni úr Evr­ópu­sam­band­in­u. Don­ald Tusk, for­seti leið­toga­ráðs Evr­ópu­sam­bands­ins, sagði í gær að sam­bandið myndi sam­þykkja að Brex­it yrði frestað í langan tíma ef Bretar teldu það nauð­syn­legt til að ná sam­stöðu um útgöngu. Aðrir leið­togar sam­band­ins hafa þó varað við að að þeir geti ekki fall­ist á beiðni um að fresta Brex­it ­nema breska þingið kom­ast að sam­komu­lagi um hvað þeir vilja.