Þriðja hver íbúð sem er í byggingu í Reykjavík er í 101

Um fimm þúsund íbúðir eru í byggingu á höfuðborgarsvæðinu, af þeim eru um tvö þúsund íbúðir í byggingu í 101 Reykjavík, Garðabæ og í póstnúmerinu 200 í Kópavogi. Framkvæmdastjóri SI gagnrýnir hversu hlutfallslega fáar íbúðir séu byggðar á ódýrari svæðum.

7DM_3302_raw_170627.jpg húsnæði fólk hús fasteign hús reykjavík
Auglýsing

Rúm­lega þriðja hver íbúð sem er í bygg­ingu í Reykja­vík er í póst­núm­er­inu 101, þar eru með­taldar íbúðir við Hlíð­ar­enda í Vatns­mýri. Alls eru nú 4988 íbúðir í bygg­ingu á höf­uð­borg­ar­svæð­inu en um 40 pró­sent þeirra eru í 101 Reykja­vík, Garðabæ og í Kópa­vogi. Sam­tök iðn­að­ar­ins telja að stór hluti þeirra íbúða sem eru í bygg­ingu á höf­uð­borg­ar­svæð­inu séu ekki í takt við eft­ir­spurn eftir ódýr­ari íbúð­um. Frá þessu er greint í Morg­un­blaðinu í dag.

Lágt hlut­fall nýrra íbúða á ódýr­ari svæðum

Í nið­ur­stöðum átaks­hóps ­rík­is­stjórn­ar­inn­ar um aukið fram­boð á íbúðum kom fram að óupp­fyllt íbúða­þörf á land­inu öllu er nú um 5000 til 8000 íbúð­ir. Mikil upp­­­bygg­ing er hins vegar fyr­ir­huguð á næstu árum og er áætlað að um 10.000 íbúðir verði byggðar á árunum 2019 til 2021. Gangi þær áætl­­­anir eftir mun óupp­­­fyllt íbúða­þörf verða um 2.000 íbúðir í upp­­hafi árs 2022. 

Sigurður Hannesson, framkvæmastjóri Samtaka Iðnaðarins. Mynd:Skjáskot/RÚVSam­­kvæmt grein­ingu Sam­taka iðn­­að­­ar­ins eru nú um fimm þús­und íbúðir í bygg­ingu á höf­uð­­borg­­ar­­svæð­inu. Í sam­tali við Morg­un­blaðið bendir Sig­urður Hann­es­son, fram­kvæmda­stjóri Sam­taka iðn­að­ar­ins, á að þegar skoðað sé hvar íbúða­bygg­ing eigi sér stað þá megi sjá hversu hlut­falls­lega fáar íbúðir séu í bygg­ingu á ódýr­ari svæð­um. Aftur á móti sé fyrst og fremst þörf fyr­ir­ hag­kvæm­ari ­í­búð­ir. „Það hefur verið bent á að það þarf íbúðir fyrir yngra fólk sem er að koma inn á mark­að­inn og fyrir tekju­lága og eigna­lága ein­stak­linga. Og síðan minni íbúðir fyrir eldra fólk sem vill minnka við sig. Ég fæ ekki séð að þessi þörf birt­ist í íbúðum í bygg­ingu í Reykja­vík,“ segir Sigurður. 

Auglýsing

Hann gagn­rýn­ir sveit­ar­fé­lög­in ­fyrir að bregð­ast ekki hraðar við þörf­inni og auka fram­boð íbúða fyrir tekju­lága „Það eru fyrst og fremst póli­tískar áherslur sem leiða fram þessa nið­ur­stöðu. Það sýnir vel þennan mark­aðs­brest að af um 5 þús­und íbúðum sem eru í bygg­ingu á höf­uð­borg­ar­svæð­inu skuli um þús­und íbúðir vera í bygg­ingu í 101 Reykja­vík. Það eru næstum því jafn margar íbúðir í bygg­ingu í póst­núm­er­inu og í öllum Kópa­vog­i,“ segir Sig­urð­ur. 

Dregið úr spennu á fast­eigna­mark­aði og færri nýbygg­ingar seljast 

Í nýjasta riti Fjár­­­mála­­stöð­ug­­leika seg­ir að það sé farið að draga úr spennu á fast­­eigna­­mark­aði, og nú sé fram­­boð hús­næðis að aukast umtals­vert á meðan það dregur úr eft­ir­­spurn, þar sem kólnað hefur í hag­­kerf­inu eftir mikla upp­­­gangs­­tíma. ­Sam­­kvæmt tölum Þjóð­­skrár, sem mælir þróun á fast­eigna­verði, þá lækk­­að­i fast­eigna­verð um 1 pró­­sent í febr­­ú­­ar, miðað við sama tíma í fyrra. Útlit er fyrir að fast­eigna­verð ­geti lækkað nokk­uð, ef það heldur fram sem horf­ir, ef fram­­boð af hús­næði vex nokkuð á sama tíma og eft­ir­spurn minn­k­­ar. 

Í nýrri mán­að­ar­skýrslu Íbúða­láns­sjóðs kemur fram að mun færri nýbygg­ingar hafa selst á höf­uð­borg­ar­svæð­inu í ár sam­an­borið við sama tíma­bili í fyrra. Jafn­framt hafi hlut­­falls­­lega færri nýbygg­ingar verið seldar á höf­uð­­borg­­ar­­svæð­inu í febr­­úar á þessu ári sam­an­­borið við mán­uð­inn á und­­an. Í febr­­úar voru 11 pró­­sent við­­skipta á höf­uð­­borg­­ar­­svæð­inu nýbygg­ingar en 16 pró­­sent við­­skipta í jan­ú­­ar. Til sam­an­­burðar var hlut­­fall nýbygg­inga 17 pró­­sent kaup­­samn­inga í febr­­ú­­ar­mán­uði í fyrra og í jan­úar 2018 var hlut­­fallið 33 pró­­sent. Það sem af er ári hafa í heild­ina 120 nýbygg­ingar selst á höf­uð­­borg­­ar­­svæð­inu en á sama tíma­bili í fyrra var sá fjöldi um 276.

Með­al­upp­hæð á hvern kaup­samn­ing 54 millj­ónir króna í mars 

Fjöldi þing­lýstra kaup­­samn­inga um fast­­eignir við sýslu­­manns­emb­ættin á höf­uð­­borg­­ar­­svæð­inu í mars 2019 var 590, sam­kvæmt tölum Þjóð­skrár. Heild­­ar­velta nam 31,9 millj­­örðum króna og með­­al­­upp­­hæð á hvern kaup­­samn­ing var 54 millj­­ónir króna. Við­­skipti með eignir í fjöl­býli námu 20,1 millj­­arði, við­­skipti með eignir í sér­­býli 8,8 millj­­örðum og við­­skipti með aðrar eignir 3 millj­­örðum króna. 

Ekkert nýtt úr gömlu
Ekkert lát er á mótmælum almennings í Alsír. Eftir að forsetinn lét af völdum hefur reiði mótmælenda beinst að ráðherrum og öðrum valdamönnum.
Kjarninn 21. apríl 2019
Basil hassan
Dani undirbjó mörg hryðjuverk
Tilviljun réði því að hryðjuverk, sem Dani að nafni Basil Hassan undirbjó, mistókst. Ætlunin var að granda farþegaþotu. Basil Hassan hafði, ásamt samverkamönnum sínum, mörg slík hryðjuverk í hyggju.
Kjarninn 21. apríl 2019
Flóttafólk mótmælti 13. febrúar síðastliðinn.
Skert aðgengi fyrir flóttafólk að íslensku menntakerfi
Af 82 flóttamönnum sem tóku þátt í þarfagreiningu Rauða krossins í Reykjavík eru einungis 5% í námi, en 43% eiga í erfiðleikum með að komast í nám.
Kjarninn 20. apríl 2019
Guðni Karl Harðarson
Í krafti fjöldans
Kjarninn 20. apríl 2019
Skoða skattalegt umhverfi þriðja geirans
Starfshópur á að skoða hvort að skattalegar ívilnanir geti hvatt einstaklinga og fyrirtæki til að styrkja félög sem falla undir þriðja geirann. Dæmi um félög sem gætu notið góðs af mögulegum breytingum eru björgunarsveitir, íþróttafélög og mannúðarsamtök.
Kjarninn 20. apríl 2019
Það helsta hingað til: WOW air fer á hausinn með látum
Kjarninn tók saman helstu fréttamál íslensks samfélags á fyrstu mánuðum ársins 2019. Ein stærsta frétt ársins hingað til er án efa gjaldþrot WOW air eftir langvinnt dauðastríð sem fór fram fyrir opnum tjöldum.
Kjarninn 20. apríl 2019
Koma svo!
Koma svo!
Koma svo - Salt og ... paprika
Kjarninn 20. apríl 2019
Advania
Ríkið greiddi Advania rúman milljarð vegna tölvukerfa í fyrra
Upplýsingatæknifyrirtækið Advania fékk greiddan rúman milljarð fyrir rekstur og hýsingu tölvukerfa ríkisins árið 2018. Þar af greiddi ríkið 635 milljónir vegna tölvukerfisins Orra.
Kjarninn 20. apríl 2019
Meira úr sama flokkiInnlent